今早交通大混亂，除了東鐵沿線露天路段損壞未能復通，加上很多道路阻塞，大部份巴士未能通車。市民問「九巴新巴城巴停晒點返工？」
九巴早上5時20分發的通告
今早九巴和龍運巴士停駛，新巴和城巴也有很多路線停駛。九巴在早上05:20在網站上公布，「受颱風山竹影響，現時大部分主要幹道的狀況仍然十分惡劣，加上有個別巴士站的設施受到超強颱風山竹的破壞。基於安全考慮，九巴及龍運今日的日間巴士服務仍然需要暫停，直至另行通知。九巴及龍運會與各政府部門緊密合作，盡快清理路面上的障礙物與及修復損毀的設施，及早恢復全線巴士服務。」
今早市民去到巴士站才知無車搭
其實只看路面情況，就知很難行車。今早港島有7條主要道路全線封閉，九龍一條路封了，新界最厲害有12條路封了。路封了，只能等逐步清理好才可以恢復行走巴士。
運輸公司通宵評估道路情況，但市民會瞓覺，所以政府要在晚上11時前應該作好決定，若明知道路及鐵路情況如此，可如澳門宣佈公務員非緊急服務停工，先減少十多萬人上班，也可以呼籲僱主停工或彈性上班，就唔會發生咁災難性的上班無車搭事件。
小鯊
** 博客文章文責自負,不代表本公司立場 **
打風在家無嘢做，朝早突然諗起，究竟玩政治班人打風做緊乜? 11月就補選，就去兩大疑似候選人的facebook睇睇，又真係發現兩人有好大分別。
劉小麗早上唔知係唔係瞓咗，她的「小麗民主教室」專頁今早一直無出貼，往前一看，對上一個貼子係半夜，只係講多謝義工幫佢修補橫額，同打風無關。再前一個貼子總算和打風沾上邊，係昨日中午轉發一段「山竹來了，核電站點算」的新聞，但政治色彩都好濃，和市民關心的「山竹」一啲關係都無。
零晨山竹打到來掛8號風波時，劉小麗只係關心佢自己的橫額。
劉小麗作為會參加補選的政治人物，又話經常落區，今日早上成朝，全城話題都係個風，佢竟然一個貼子都無出，等小鯊等咗半日，入去幾次都唔見佢有嘢睇，零貼子，谷鬼氣，只能講一句話:「今時今日咁樣服務態度唔得啦。」
零晨掛8號波時陳凱欣已出貼
去陳凱欣個facebook專頁睇睇，佢真係勤力過議員，昨日上午11點幾開始提醒市民防風，昨晚又出貼子講庇護中心，然後零晨1:10分都唔瞓，掛8號波即時出貼，然後掛9號波、10號波時一路跟貼，早上個風最得人驚，吹到間樓係咁搖時，佢亦出貼子講災情，根本和市民關心的事情同步。直到下午之前，陳凱欣和劉小麗的facebook相比，可以講係10比0。
陳凱欣一直出貼跟貼風災
到下午2時後，劉小麗先至瞓醒開始出貼，兩人差不多同一時間講教育， 陳凱欣話「明天應停課善後」，而唔知係唔係教協叫醒咗劉小麗，她也開始轉發教協呼籲停課的貼子，這才是她今天第一隻貼子，也是第一隻講風災的貼子，這已是掛8號波13小時之後。
劉小麗今日下午2時許才發第一隻貼子，轉發教協的停課呼籲。
之後劉小麗也只是很hea那樣發多一兩隻貼子，轉發新聞叫市民小心，轉發教協報告政府停課的決定，只是講一言半語的引言。
陳凱欣也在晚上更換了專頁封面相片，祝福風災後的香港。
相對地陳凱欣後續的貼子認真很多，講起各區的交通嚴重受阻，希望僱主理解交通及市面情況，作出適當調配，調整上班時間，甚至讓打工仔停工一天。她的後續跟進，講到市民關心的話題。
如果小鯊唔係打風在家無事做，就不會發現劉小麗打風蛇足十幾個鐘的狀況。但未選已經係咁，都唔關心市民關心的問題，又唔付出超常的努力，真係揀唔落手噃。
