為人母不易~
蔣怡（Coco）以代言人身份現身產後護理中心開幕禮，細仔翁羽已5個月大，她的身形也回復纖瘦，透露做了5次古法紮肚療程後，全身一共減去42cm，更認為育有兩個小孩已經足夠。她稱照顧兩小孩頗辛苦，最辛苦兒子初生4個月，因為未戒夜奶，而且日間要湊大女翁容，更大爆長女對細仔有少少呷醋又好愛錫，女兒亦對她講全世界最鍾意弟弟，不過女兒試過因呷醋匿埋流眼淚。
蔣怡（Coco）以代言人身份現身產後護理中心開幕禮。（資料圖片）
Coco說：「女兒唔想我知，內心亦知道唔可以咁，因為家姐要錫弟弟，呢啲我仲覺得心酸，所以我會再陪女兒玩多啲，自己再辛苦啲。」問是否宣佈封肚？她謂：「真係封肚，之前都封，但唔小心生咗出來，都有兩個得意又健康小朋友，已經好好福氣。」她坦言誕下長女後想快出來工作，但次子出世後感覺不同，因不想錯過BB成長階段。
蔣怡。（資料圖片）
