「佔中」運動全球關注，Jack剛從新加坡回來，與一些新加坡朋友相聚時，話題都離不開「佔中」。
Denise 在香港住過幾年，早兩年回到新加坡，她帶Jack到會所街晚飯，把杯談心，不禁說起她很羨慕香港人︰「我真係好想返香港，參加『佔中』。」畢竟在香港工作過，她不只廣東話說得好，原來也真的心繫香港。
「我八月底返過香港玩，咁啱就係有決定嗰日（人大常委政改決定），我仲諗住維園會有示威，點知無！」
網上圖片
Denise 話喺新加坡長大，根本無諗過有機會好似香港咁，佢話即使新加坡人對政府有不滿，但政府對言論控制好嚴，大家都習慣咗，肯定唔會咁高調出嚟反抗。
咁新加坡係咪無人示威呢？原來又唔係，Denise 話我知，原來喺新加坡示威抗議要攞牌，仲只可以喺「芳林公園」（Hong Lim Park）搞。早排就有千幾人去示威，不滿退休保障制度，人數算好多啦！咁其餘示威，傳媒有無報道呢？
「早前有個示威都有報紙賣，不過唔係講有人示威，係話同一日公園有班細路仔表演，結果俾示威啲人嚇親！」
上星期三，亦有人喺芳林公園搞活動，支援香港「佔中」，有三百人到場，結果警員亦嚟埋，帶走咗幾個外國人，警方話唔係拉人，只係根據法例，只有新加坡公民先可以集會，外國人要參加，一樣要申請。
Selina 係 Jack另一位朋友，同樣關心「佔中」，一見面就問個不停，Jack 好奇地問這位長者，佢點睇香港「佔中」呢？Selina 斷估唔會成功，佢佩服香港的人的勇氣，但相信北京唔會輕易讓步，否則第日香港人就成日去「佔中」，香港咪會亂到暈？政府仲有管治威信嗎？
咁點解新加坡人又「甘心」被政府管住？Selina 說新加坡政府有「高招」，早早就為國民提供住屋，大家不用為「住」憂心，漸漸地即使有怨氣， 亦只往肚子裡吞。
佢話時下不少年青人，都對時局有意見，但礙於社會風氣和文化，恐怕短期內都難以形成像香港般的政治局勢。大家最多都係喺facebook等社交網站「呻」，「因為上網政府管唔到！」Selina 話。
AP
年青人又點睇？ Jack返到酒店，見到服務員Harris拿著飯盒係咁食。望吓手表，九點幾啦！「咁夜先食？」（當然我問英文）「慣咗啦！」
坐在大廳的仲有嚟自台灣的Anita，三個人夜麻麻，又傾起「佔中」。Harris話佢地後生仔，始終最關心荷包，「我都不明白為甚麼你們香港為何這麼亂？」原來他懂得說普通話……應該叫華語。
何出此言？「你們不用上班嗎？不用工作嗎？怎麼可以這樣？」對Harris來說，上班工作掙錢最重要。
Anita 很同意地點頭，台灣早前不也有佔領立法院的「太陽花革命」嗎？「怎麼相同？！我們只佔領立法院和附近呀！我們還有上班、還有工作的！」
佢哋都問Jack點睇香港時局？Jack 無奈苦笑，對前景看不通，唯願一切安好而已！
Jack
** 博客文章文責自負,不代表本公司立場 **
