佔中搞咗個幾星期，幾個據點仲未有撤離動靜，原來唔只金鐘、旺角，就連立法會大樓，一樣被「佔領」咗。
立法會原定聽日復會，但主席曾鈺成話衡量過形勢，決定押後到下星期三先復會，又話收到有議員投訴，話有市民走入立法會大樓瞓覺同用洗手間。曾主席話議員有權帶訪客入大樓，秘書處唔會干預，但會勸吓議員了解使用立法會場地守則。
圖片來源︰亞洲華爾街日報
立法會被「進佔」的狀況，外媒都一清二楚，美國《亞洲華爾街日報》有篇報道，圖文並茂介紹情況，話原來學聯同學民思潮已進佔立法會大樓八樓同九樓，嗰度係班泛民議員義務借出嚟，學聯同佔中主力喺九樓，學民就喺八樓打躉。
報道有張相，話在一位議員的寫字樓內，入面堆滿晒大聲公，仲有一箱箱示威用的物資，報道話當大批市民喺街上聚集時，呢班學生哥就忙於喺大樓入面開會、上網facebook、商討對策，會議室內堆滿佢哋嘅背包，報道仲話好多人都已經除晒鞋添！
有啲學生傾到攰，就索性喺房入面瞓，見有人喺房瞓咗，仲會幫手熄燈夜，至於夜嘛嘛肚仔餓，學生哥就會「叮」飯食，報道話啲學生在走廊食飯，仲偶爾會同保安哥哥嘈起上嚟！難怪，因為學生哥始終都無有效證件人士嘛！
咁睇立法會真係成為佔中基地喎。
Ariel
** 博客文章文責自負,不代表本公司立場 **
立法會未開局，在各委員會執位已產生連場大戰，財委會屬下兩個負責撥款的工務小組與人事編制小組委員會，以前一直由建制派主導，但今屆會期泛民主派在上周六截止報名作小組成員前數分鐘內，大幅加人報名，令兩個小組內泛民人數佔優，已穩奪小組主席之職。
雖然建制派希望小組容許建制派議員再申請加入兩小組，按兩小組的會議程序，在截止日期後加入，需由小組委員會決定是否批准。泛民暫時認為，若容許建制議員候補加入，即讓建制派重奪大多數票，傾向不接納要求。建制派漏招，以後難以阻止在財委會小組層面拉布。
泛民初定工務工程小組由梁家傑任主席，人事編制小組委員會則由公專聯梁繼昌任主席。Ariel覺得呢鑊都好杰，因為財委會要過的主要是工務和人事兩類撥款，撥款申請都係先過兩個小組委員會通過，才上財委會大會，而若有人在小組內拉布，小組主席有力剪布。如今財委會小組失陷，以後在小組層面都俾人拉布拉死。
有說建制派不同政黨的人馬參加那個小組，本有統籌調動，如今係統籌得唔好，才出現這種災難。
另外泛民已決定在立法會內全面向政府開火，展開「不合作運動」。人民力量陳志全話，以後全面拉布，在大會及所有委員會，都會不斷點人數、不斷發言。在財委會不斷提問題、提修訂、提臨時動議，爭議性撥款肯定通過不了，他們只會放生民生項目不拉布。民主黨亦話，以往討論一些較瑣碎撥款項目，政府不用派員到立法會解釋，日後每一個議題，政府都要上立法會交代。
睇嚟即使佔中過去，政府在立法會內都沒有好日子過。
