48歲梁小冰依然省鏡 露玉膊激晒少女味

凍齡功夫一流！

月尾踏入49歲的梁小冰，同陳嘉輝結婚18年，育有一子陳洋溢，今年都11歲嘞！日前晚上，美魔女在尖東噴水池附近，同一位小鮮肉拍國產劇。見細細粒的小冰捱凍穿上露膊白裙非常搶眼。雖然已將近半百，但小冰笑起來仍似少女般那麼燦爛，凍齡功夫一流！

親自湊仔嘅小冰透露「清晨五點起牀做早餐，帶孩子上學，跳舞個半鐘，減肥肉。」唔怪得外表咁young啦！

近排，香港開電視重播返15年港視首播即掀起話題的《導火新聞線》，皇阿媽(梁小冰飾)惡鬥方凝(周家怡飾)勁好睇，連小冰近日都話有睇返，話是她「近年一個十分喜歡嘅經典角色」。

《導火》嘅惡霸皇阿媽，又有得睇嘞！

日前，素顏小冰和55歲丈夫撐枱腳自拍，兩個都好保鮮。

早前，小冰在社交網po了她當年選港姐時的舊相，90年港姐冠軍係袁詠儀、亞軍係翁杏蘭，小冰得季軍。她寫了一段長文留言，話自己當年參選時只有20歲，是最嬌小的一個，93磅、腰圍得22吋，手腳如牙籤，全身好似皮包骨，的骰身形造就她不老傳說。

日前，小冰翻貼90年選美照，話當時93磅、22吋腰，穿特製加細碼泳衣。

小冰呢個露膊造型，唔差過溫碧霞！

日前晚上7時，小冰和一隊操普通話的crew在尖東拍外景。見她對手是一位年約三十歲的小鮮肉，對手咁young，年近半百的小冰都頂得住。見她捱冷穿上露膊白裙拍戲。長髮飄逸齋賣靚樣，行來行去，兩take收貨。之後，她換上一條桃紅色貼身裙，要扮飲醉酒由型男扶上車。同樣兩、三take就快靚正收工，然後馬上換返件長袖衫加外套，坐車走人。

小冰換過桃紅色貼身裙和小鮮肉做對手戲。

年近半百嘅小冰，拍埋型男身邊都襯O架！

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。