《I'm coming Home》
作者：小魔
Well 大家見我啲 Post 通常都係收聽節目，但我係會寫下文0既。
今次呢篇文章，絕對係有感而發，所以先利申。
「以下文章內容為親身經歷，如有雷同，歡迎對號入座」
小妹我除咗跟師傅學習八字 and 卜卦，我本身都會幫人開下塔羅牌0既 (我無掛單，亦唔係用嚟搵食，所以我只會同合眼緣0既朋友仔開下。各位朋友仔，有任何人生 getting lost，都係搵返師傅吧。)
每逢年尾，我啲朋友仔就會開始發咗癲咁問：幫我睇下下年有無拖拍?幫我睇下下年會唔會升職加薪?幫我睇下下年我會唔會結婚? 幫我睇下下年 ......
其實以上問題，我每3個月至半年，都會聽到，不過唔係下年，可能係下個月，下半年咁樣囉。
問唔係問題，但同一個人，每個月都走嚟問一次，需要我都收錢，我都好多謝你，但係我唔係咁想成日見到你囉。
原因係，你要0既答案講過你知，亦提供過多種方法叫你嘗試解決，但係聽完唔做囉。然後又再係到講：唉! 我好想要真愛呀，不如幫我睇下我幾時有?
知命，識命，但唔認命!
好丑命生成，八字真係無得改，但我相信唔會成世都咁黑仔0既。
如果個年健康唔好，食野小心啲囉。
如果個年好易同老公/老婆/女朋友/男朋友鬧交，自己講野三思，唔好咁容易就提分手囉。
如果個年都係無拖拍，出去識多啲人，做下朋友先囉。
如果個年唔好做任何重大決定，但又必須要做，問多啲意見囉。
命運真係掌握係你手，你每一步0既決定都會有影響。
叫你唔好做就做哂，叫你嘗試0既又唔去試，真係撞鬼。
香港兔蘆術數學會
** 博客文章文責自負,不代表本公司立場 **