高海寧為新劇親身上陣拍打戲，受傷在所難免。
高海寧、黎諾懿 (資料圖片)
高海寧（高Ling）跟黎諾懿早前於大潭灣碼頭為新劇拍攝外景。飾演特工當然少不了打鬥場面，黎諾懿明知道高Ling論論盡盡，已循循善誘地解釋每個動作，以免她再次受傷，但最終她仍不負眾望擦傷左手仲見要紅，黎諾懿笑說：「『豆腐Ling』又嚟喇！」
高海寧飛撲時傷手。
新劇《C9特工》由高海寧（高Ling）、黎諾懿及馬國明主演，開拍至今都發生不少小意外，尤其是高Ling，較嚴重一次，她不慎弄傷後腦及盆骨，幸好沒有大礙。
高海寧受傷被黎諾懿嘲笑。
拍攝動作戲份時，黎諾懿於高Ling身邊不停作指導，循循善誘地解釋會一個動作，以免她弄傷。當他們拍攝一幕飛撲時，高Ling用力過度飛出軟墊，她一動不動，工作人員見狀都非常驚訝。最後她坐起身傻笑，隨後發現擦傷了右手。黎諾懿笑說：「『豆腐Ling』又嚟喇！本來進化到油豆腐嘅，硬啲，今日又變返豆腐。」
高海寧（網上圖片）
提到再次蝦碌受傷，高Ling笑說：「蝦碌日日都有，佢哋唔會覺得驚訝！」提到為高Ling改花名為「豆腐Ling」，黎諾懿笑說：「係人都知㗎！佢有upgrade㗎，油豆腐就會無咁散，但都係豆腐級。你都見到啦，佢一埋位就全城戒備，因為每次做親動作都一定受傷，唔知點解㗎喎！佢踩到份報紙都可以扭親，佢係一個好奇趣嘅人，構造係好特別。你見我都有幫佢試晒啲位，將佢嘅受傷程度減到最低。」諾懿笑指她的安全意識跟常人有異，跟她拍劇工作量大增，公司應該將她的人工分一半給他。
宣明會一直關注身處飢餓的兒童及群體，多年來與全球各地多個社區和伙伴合作，全力回應因氣候變化、衝突及貧窮等因素引致的飢餓問題。除了推行各類緊急糧食援助工作，亦致力協助受影響的家庭改善糧食供應及營養情況，為飢餓孩子帶來希望。今年3月至6月期間，宣明會「糧家村」故事系列更首度伙拍英國經典童書Mr. Men Little Miss及羚邦集團（2230.HK）舉行一連串籌款活動，以可愛、親民的漫畫分享更多飢餓及營養不良問題。
世界宣明會「我要世界走飢餓」籌款活動
世界宣明會「我要世界走飢餓」籌款活動
為讓更多人聽見世界飢餓的聲音，宣明會將於4月25及26日假荷里活廣場舉行「我要世界走飢餓- Go & Seek！」活動，更邀得暖男爸爸黎諾懿及細心好媽李佳帶同她的兒子親身到場，分享他們對飢餓的親身體驗和看法，藉此呼籲更多市民齊齊為踢走飢餓出力！
黎諾懿過往多次與宣明會合作，他大讚機構為很多貧瘠地區的人出力，亦希望將來有機會與仔仔一同與宣明會到不同地方探訪，親身了解世界飢餓問題。而首次與宣明會合作的李佳，機緣巧合下於去年與兩位仔仔成為了親子助養者。她去年在網上見到宣明會的助養計劃，立刻打電話去，然後就成為了助養者：「我一直都有留意飢餓問題，因為細個嗰陣，媽媽帶我去雲南一個比較貧瘠嘅地區參觀，當時有好多小朋友伸隻手出嚟跟住我哋架車跑，我就將自己手上嗰包朱古力畀咗佢哋食，呢個畫面好難忘。而家小朋友都好幸福，所以希望通過呢件事（成為助養者）畀佢哋知道，其實世界上仲有好多地方嘅小朋友係好艱難無地方住。而且我用仔仔名義去助養，過兩年當佢哋自己可以對零用錢有自主權，到時佢哋就會知道，有責任要幫助小朋友。」
暖男爸爸黎諾懿
對於食物，兩位家長同樣注重教育兒子們要好好珍惜，黎諾懿經常教導「小春雞」黎峰睿及「小冬牛」黎奕辰不可以浪費食物：「去餐廳食嘢，一定要食得到先好嗌。的而且確，香港嘅小朋友係好幸福，無論係物資定食物都好富裕，差唔多佢哋想要嘅嘢都有，正正因為咁，我哋更加要教識佢哋，有好多小朋友都唔係咁，所以我會帶佢哋睇多啲，希望教識佢哋知足。有機會，我都想畀佢哋感受飢餓，亦都想同佢哋去做探訪。」
圖片來源：黎諾懿IG
李佳指雖然未曾感受過飢餓，但記得疫情隔離期間，為兒子們準備兩餸飯：「佢哋食一餐都可以，但係食幾餐就好唔願意，嗰陣細仔唔肯食，情願自己餓住都唔食，我就同佢講好多小朋友冇嘢食，你幾幸福，佢最後都食咗幾啖，所以有機會嘅話，我都想帶佢哋去外地探訪，畀佢哋親身感受吓。」
雖然兩人都認為香港小朋友物質充裕，但要面對讀書的壓力。早前曾提出「讀書冇用」的黎諾懿，希望能以活動教學的形式，讓小朋友開心成長：「香港小朋友好多都（被）要求分數，又要去補習班、興趣班，填到好滿，我希望我嘅小朋友喺身心有個平衡。其實，關於『讀書冇用』呢件事係一個美麗嘅誤會，我係話『讀死書係冇用』，而家AI嘅年代，對比起傳統嘅學習，我哋需要去協調，我仲要澄清返唔係話乘數表冇用，我係話如果佢唔係做科學家，去背啲科學物理表，對小朋友冇咩用。最重要係跟住小朋友自己嘅才能發展，因為每個小朋友都唔一樣，唔可以用同一種方法去教。」
細心好媽李佳
李佳教育兒子們一向比較嚴謹：「我老公初初同我都有唔同意見，但係我兩個仔都喺香港本地小學讀書，中國教育同外地真係唔同，好似午飯咁，有好長嘅時間佢哋係唔食或者食得好少，佢哋成日問我可唔可以帶飯，但係我會問『點解人人都食，係你哋唔食得？』真係餓就會去試食少少㗎啦。」
細心好媽李佳與仔仔
至於馬年的工作大計，黎諾懿將到馬來西亞開工：「大部分時間暫時都喺馬來西亞，希望香港都可以有多啲節目拍攝，可以同大家見面啦。」而李佳稍後亦會推出新歌，屆時希望讓大家看到不一樣的佳佳。
宣明會「我要世界走飢餓 – Go & Seek！」活動將於4月25及26日假荷里活廣場舉行，除了有黎諾懿及李佳擔任嘉賓，屆時亦有親子互動遊戲、藝術工作坊，更有多款糧家村聯乘Mr. Men Little Miss的期間限定紀念品。另外，4月指定期間惠顧大家樂特定套餐系列可獲贈糧家村聯乘Mr. Men Little Miss的期間限定透明打卡相框及限量版立牌等 (見附表)；而山崎麵飽和鴻福堂亦會於指定期間設捐款箱，讓市民一同以行動支持這項既有趣又有意義的活動！詳情請瀏覽本會網站：https://www.worldvision.org.hk/hungry
