陳瀅話如果有拍拖一定會公開。
陳瀅最近在劇集《福爾摩師奶》飾演畫家「魏素嘉」，她認為今次角色是演戲以來最複雜和慘情一次，還搞到不敢找朋友，壓力好大，幸好最後順利過關。談到與陳家樂的緋聞，她再強調大家只是好拍檔，拍完劇已沒有聯絡，她亦承認可能自己處理得不太好，經常令外界誤會，但她真的拍拖一定會公開。
點擊看圖輯
更多相片
陳瀅坦承現在不心急拍拖，因好想演更多不同角色，拍更多好戲。
劇中陳瀅跟余德丞和江嘉敏有一段三角戀。
「魏素嘉」跟陳松伶演的「爵士夫人」有不少衝突。
陳瀅和陳家樂拍《廉政行動2019》，未埋位又真是幾甜，難怪令人誤會。
陳瀅自細在加拿大由婆婆湊大，感情特別好。
去年2月陳瀅正式簽約邵氏向演員路進發。
陳瀅坦承現在不心急拍拖，因好想演更多不同角色，拍更多好戲。
陳瀅繼上次在《跳躍生命線》喊到心裂後，今次就一樣慘情，還搞到不夠膽約朋友，「個角色係我演過最複雜嘅，情緒成日要keep住唔開心，所以拍嗰兩個月都唔敢約朋友出嚟玩，同埋為咗就個屋企景，我最尾嗰日要全日拍足10個鐘喊戲，好彩後尾順利完成到，覺得自己又過一關，滿足感好大。」
劇中陳瀅跟余德丞和江嘉敏有一段三角戀。
「魏素嘉」跟陳松伶演的「爵士夫人」有不少衝突。
談到跟陳家樂因合作劇集《廉政行動2019》而傳出緋聞，陳瀅強調兩人只是好拍檔，完全沒有曖昧，「我哋拍完個劇已經冇聯絡啦！我以往覺得同對手熟絡，方便拍攝係好正常，但原來唔避忌又會好多緋聞，唔想令大家覺得我係好隨便嘅人，以後會小心啲，不過，我真係拍拖，一定會公開，咁樣對對方會公平啲。」
陳瀅和陳家樂拍《廉政行動2019》，未埋位又真是幾甜，難怪令人誤會。
問到擇偶條件，陳瀅覺得外在條件是其次，「我覺得最重要大家溝通同相處到，咩條件有冇錢係其次，因自己都有能力喺加拿大買樓。」她透露在加拿大買的獨立屋是報答婆婆養育之恩，「婆婆都91歲，希望可以多啲孝順佢，雖然唔可以一齊生活，但我一有時間就會返加拿大陪佢。」
陳瀅自細在加拿大由婆婆湊大，感情特別好。
去年2月陳瀅正式簽約邵氏向演員路進發。
