簡直係女中豪傑！
若家中有黃蜂築巢，相信並不是每個人都有勇氣以一己之力消滅它！不過有女網民就分享自己消滅蜂巢的經歷，非常英勇！
有連登女網民以「［冇圖］港女真係好X勁，已經進化到可以單挑蜂巢」為題發文，指最近經常發現家中有數隻蜜蜂慢慢地飛進衣帽間，但因為住得較高，平日不時有蜜蜂飛進家中，所以沒有太在意。但她轉頭向上望時，發現有疑似胡蜂正在築巢。
網民家中出現疑似黃蜂巢。（網上圖片）
女網民說她「包到自己成個太空人」，一手拿著殺蟲噴霧，一隻體型大得像一個五元硬幣的黃蜂撞向她。她直言被嚇得尖叫，「嚇到一邊係咁叫，一邊噴到成個衣帽間都濕晒」，最後她成功將黃蜂扔進垃圾桶，更將蜂巢剪下來欣賞，「最後剪埋個巢嚟欣賞下大自然嘅產物」。不過女網民就擔心會被黃蜂報復，更向網民請教，「會唔會有其他蜂友嚟找反佢，聽講起竇唔止一兩隻無啦啦起，通常三四隻咁分巢。我怕俾蜂報復」。
有網民留言搞笑地建議女網民自製「津路水炮」，即在一個裝滿水的膠樽上刺一個洞，再按壓水樽射水，以清除蜂巢，「準備定幾支大津路先」，有人就指網民非常英勇，「果然係女漢子」，有人就更正網民，指圖中的並不是蜜蜂，而是攻擊性較高的黃蜂，「黃蜂，佢地係用木個類野起」
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
