食$30早餐「金牛」埋單 OL要餐廳唱散找錢伙計高招玩謝

俾人玩返轉頭~

資料圖片

本港不少小店、食肆都會寫明拒收500或1000元大鈔，以免不夠零錢及減低收到假鈔風險。但有餐廳伙計發帖吐苦水，指遇到女白領幫襯一個盛惠30多元的早餐後，竟以千元大鈔埋單，稱「就係想你找散畀我」，但表明不接受找太多細面值紙幣，着伙計不夠散紙的話「自己出去唱」。伙計其後現OL有足夠散紙，於是在唱錢時出奇招，令OL大為崩潰，並指自己有散紙，「我而家就埋單，唔使唱散好唔好？」OL最終苦等1小時，終獲找回900多元。

資料圖片

該名自稱在平民餐廳工作的伙計在facebook群組「西客之道 Hispitality Secret」投稿，表示「希望咁多位貴客要知道舖頭係冇義務去幫各位打散你哋啲大紙，一個係咁兩個係咁，個個都係咁......係咪各位搞錯咗啲咩呢？」他分享奇遇，指日前早上9時許，一名OL吃完價值30多元的早餐後，以「金牛」埋單。他見狀「即時反白眼」，並問對方：「有冇細張少少嘅？冇咁多散紙找唔開。」但OL則回答：「冇喎，我就係想你找散畀我呀嘛！」

餐廳伙計發帖大吐苦水。

伙計在文中表示，「朝早就塞張大紙過嚟，500蚊都叫有可能找得開，1000蚊紙找乜嘢呀？」此外，他指OL亦表明不接受找回10元、20元鈔票，「散成咁梗係唔得啦」。他於是建議OL放低物品抵押，自行將「金牛」唱散後再埋單，但對方反駁：「點解要我放低啲嘢做抵押呀，你哋自己出去唱囉，我而家畀咗1000等住你哋找返900幾蚊畀我呀！」但伙計當時看到OL的銀包內有散紙，「藍色、緣色、紅色都有」，她卻「係要拎張金色出嚟，就唔好怪我哋唔客氣啦」。

資料圖片

該伙記遂叫另一名同事出去「唱錢」，更特別囑咐「唔需要急，最重要啱」，結果該同事遲遲未回，令OL大感不耐煩，又質疑為何要到銀行唱錢。約45分鐘後，OL終忍受不了，稱「其實我有散紙架，我而家就埋單，唔洗唱散好唔好？」而唱錢同事最後約一句鐘後回來，向OL找回900多元散紙。伙記在文中「得戚」地說：「其實同事過隔離舖唱錢只係5分鐘，不過去咗第二到食埋個早餐先返嚟啫，早知叫佢買埋餸先返嚟啦！」

帖文掀起熱議，不少網民笑言「大快人心」，「一開始自己有嘅就畀散啦，態度又咁X，抵被人玩」、「我成日都咁講，對付呢啲人，你要做得誇張過佢10倍、50倍、100倍，咁佢先識衰！」。另有人認為，對方想將大面值紙幣「打散」沒有問題，「但人哋舖頭出到聲無就畀返細紙啦，無義務一定要幫你，真的架自己丢」。

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

示意圖片

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

示意圖片

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

示意圖片

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

示意圖片

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。

示意圖片

帖文來源：連登討論區