志雲主動慶生 何基佑受寵若驚

現職商業電台行政總裁的陳志雲（Stephen）寵兒一籮籮，生死之交有王喜、愛將梁泰來，最近就突然殺出33歲「新寵」「大隻K」何基佑取代Terry主持《1圈圈》節目。

何基佑跟楊崢合作愉快，兩人各有最想訪問的藝人名單

何基佑眼中，Stephen既係高層又是恩師。陳志雲愛錫何基佑，仲親自落直播室為新寵慶生，連「大隻K」都坦承受寵若驚：「第一日開咪當天，Stephen竟然記得我生日，仲落嚟直播室同我慶生，真係好驚喜，好開心！」他自爆6年前經已和「志雲大師」結緣，第2次在林以諾牧師活動上再遇，打後的5年互相以email聯繫，直至今年2月陳志雲向他招手，兩人一拍即合。

 陳志雲寵兒一籮籮（資料圖）

由吳家樂與鄧兆尊主持的網台節目《娛樂好好玩》，經常大談娛樂圈熱話之餘，亦不時分享圈中秘聞，吸引不少網民追看。

在最新一集節目中，吳家樂表示自己算是見證過香港娛樂圈最輝煌的年代，也看過行業一路轉變。不過他坦言一直有個小遺憾，就是當年沒有在廣播道工作過，直到近年主持香港電台節目，才算補回心願。

吳家樂表示自己算是見證過香港娛樂圈最輝煌的年代

拍檔鄧兆尊則表示自己曾經在港台工作過，現在反而希望有機會到商業電台試試開咪。不過當吳家樂提到「大師唔係話咩......」時，鄧兆尊即時擰頭兼擺手說：「唔好了，我唔鍾意同大師做，大師太厲害了，佢言詞太高了，我頂唔住！」

鄧兆尊直言唔鍾意同大師做節目

吳家樂聽後亦十分驚訝追問：「你都頂唔住？」鄧兆尊則直言：「頂唔住！之前我講錯句嘢都雪咗9個月。」

他隨即分享一段往事。當時「大師」跑步經過他身邊，突然問：「鄧兆尊，聽講你嗰陣時唔覆機個喎？」鄧兆尊當時坦白回答：「大師，我無用Call機（傳呼機）好耐喇，因為嗰時已經無Call機。無諗到就係呢句嘢，一雪就雪咗我9個月！」

鄧兆尊指一句說話得罪「大師」

雖然他沒有直接點名，但當有網民追問是否陳志雲時，鄧兆尊亦沒有否認。

鄧兆尊亦沒有否認是否指陳志雲大師

吳家樂聽後笑說：「都要睇環境嘅，今時今日嘅鄧兆尊...唔覆你咪唔唔覆你囉！」鄧兆尊亦霸氣回應：「我雪返你啊！」並補充解釋：「嗰時真係無Call機嘛，我又唔係整蠱人。」

兩人亦感慨在娛樂圈生存並不容易，吳家樂直言：「有時打招呼又死，唔打招呼又死。要你死，你就係要死。」鄧兆尊則笑言，這其實要看當時是「紅運當頭」還是「黑過墨斗」。

吳家樂舉例說，在餐廳Canteen路過時，如果撞到「唔應該撞到嘅人」，可能就會出事。鄧兆尊更補充：「『哦，吳家樂，你無望我。得了，（雪藏）三個月啦。』真事來的，唔好以為講笑。」

二人指娛樂圈好易得罪人