作者：Nil

最近，聽到身邊朋友同我講，話佢開始跟師傅學術數。我通常都會問下佢地學術數既原因，不外乎係有興趣，想知道自己既命運，等。

其實，術數在我黎講，佢唔應該以興趣班，或者一時貪得意黎看待。自古以來，術數係帝皇之術，一黎，窺探未來，並非人人有此機緣。二來，窺探未來的結果，亦非人人可以承擔。

如果你窺探既未來係美好既，你會唔會因為咁，咩都唔做，坐等美好將來？又如果，你見到既未來係你唔願見既，你又會唔會試圖逃避又或者消極咁面對你既將來呢。

術數既本意，係希望能夠駛人能夠以更好既準備，去面對將來，人既一生，必定有所順逆興衰，高低起落。

我等習術數之輩，更要持正守規，知道萬物起落仍天道，自需活在當下，努力去做好自己。萬不可沉迷於五術之中，不能自拔，非但唔可以幫人，仲會令自己跌入迷思之中。




香港兔蘆術數學會

** 博客文章文責自負,不代表本公司立場 **