博客文章
<術數與靈異>
作者:國紫平
8字，紫薇係一些計數統計既學科，係1種數。當中有些數或象同靈異既野亦有關聯，有時係統計數，但有時又係可以反映到其他世界既象出來。8字官殺重，多木土有人話較易見鬼，紫薇亦有粒星叫陰煞都係同靈異既野有關。係我未學術數時，我姪女從小就見到其他(朋友仔) ,當我識學命之後，陰煞星係佢既命宫，不謀而合。
從前學術數唔係好流行，多數有事都會問紙紮鋪 或者係神婆，佢地都會要你提供時生8字。人死後殯儀館道長亦會幫你計先人回魂既時間。我呀公離世之後，道長話邊月邊日咩時辰回來，就係當日晚上1隻大飛蛾入左屋 ,坐係平時坐既沙發位，第日起身，隻飛蛾就消失左，人有人數，其他世界亦有其數。
香港兔蘆術數學會
** 博客文章文責自負,不代表本公司立場 **
作者：朱雀神君
在工作上總係會不如意事十常八九，工作壓力大、俾上司針對、豬隊友累街坊，要點樣保命，真係好難搞
近來，我起工作上俾上司針對，基本上係之前有少少過節，所以就落得如斯田地
仲記得第一次見面既時候，就已經知道呢一個人唔簡單，好彩既係學過睇面相，所以由短短既幾分鐘就已經分析得到佢大致上既性格
佢額高而開揚，聰明同智力一番咁上下
眉如尖鉤，人既意志堅強，唔易同人妥協，成日會感情用事、唔計後果，但行事快速而決斷，同好有強烈既企圖心
眼有神，更加證明左係一個會將心所諗既野，一定會實行
顴骨突起，表示對權力一定既追求
而最經典既係個嘴，上唇特別薄，主無情，下唇厚，主重慾望
睇完以上既分析，都知道係一個麻煩人
佢對住我，手段盡出，用盡所有辦法，非要踢我走不可，如果唔係第一時間望左佢面相，我可能已經死左都唔知咩事
而當中，佢無情既程度，慘過用完即棄
呢段期間，連我老細都俾佢搞到頭痛，而我因為同佢有過節，將來既下場會係十級慘
現時暫時運用左可以用既能力，叫做站穩左陣腳，但係攻擊唔會停止
有時候要保命，雖然好難，但係學過面相，知道每一個人既性格，起相處上微調，以便減低日後既磨擦，因為一個唔好彩個個係你上司，你個下場可想而知
最緊要係夾得到，番工 je，求開心同安穩，唔好發生咩大事就得
