文: 神若曦
每間公司好似都有一個Mary。
老細新請既秘書Mary明明唔夠索，又唔識做人，平均每三年轉一次工，但勝在轉極都有好公司。
每間公司好似都有一個大叔。
隔離team 嗰位長期裇衫攝袖的大叔和Mary 完全相反，每日食lunch都聽到佢唉天唉地唉到花兒也謝了，一年起碼講3 次劈炮，結果有無劈過，大家心照。
轉唔轉工好？ 轉又成唔成功？
有時打開命盤自有答案 — 主宰變動的食傷星
木日元見火
火日元見土
土日元見金
金日元見水
水日元見木
#食傷星，本來就自帶變動的特性。
成功不必在食傷，但轉變很多時都有食傷在。如果今年你事業受食傷影響，轉工調職機會便會大增！
轉工調職多在一年內完成，而且大運流年亦和財運/事業有密切關係，所以於某年見到食傷星，又與命盤中第四柱產生作用，分分鐘你不理變化，變化會來找上你。
即使是同一個人，配合當年與印星/財星/官殺星沖合，一生中遇上的食傷星造成的事業變動可以有不同花款，演變出各樣權力，職位，薪金，壓力的處境。
若是食傷為用，或者會合產生的力量對自己有利，即是轉變對自己有利，人都醒神啲，輔以命造接續幾年的運程，吉凶判斷可以更加細緻。
香港有一間公司，裡面的人想出來，外面的人想進去。
在此舉數個轉工例子，恰恰好都有食傷星發揮作用：
#黃德斌 - 2017年離開
原局食傷兩顆同受沖，涉及遷移宮及日柱
大運食傷合局
#李施嬅 - 2019年離開
流年食傷合財化財局
#李天翔 - 2019年離開
流年食傷地支殺露頭
#高鈞賢 - 2014年離開
流年食傷子午沖，涉及遷移宮及日柱，天干帶合
#岑麗香 - 2018年離開
交脫運，食傷合火局
每個人分分鐘都受外界所影響，心態改變思想，思想改變行為，命盤中的食傷星有時反映命主想轉行想創業轉變的心態，時候一到便付諸實行。
學識分析食傷星，轉工轉行也好，創業奮鬥也好，都可以有多一份參考。
#轉工 #八字 #命理 #食傷 #轉變
資料來源: 維基百科
香港兔蘆術數學會
** 博客文章文責自負,不代表本公司立場 **