*

老婆屋企湊B 安志杰街坊Look買酒招呼朋友

兩公婆分工明確!

現年42歲的安志杰(Andy)自從與33C警鐘胸Jessica C.(JC)結婚後,三年抱兩,生了一對仔女,3歲大女Tessa和1歲大細仔Elvis,一家四口非常幸福。一家之主經常上載甜蜜家庭照到社交網站,真是個好爸爸!

安志杰一家四口,有仔又有女,好圓滿。

安志杰好愛錫大女Tessa,經常將湊女相放上社交平台。

因為做Gym的健身中心在中環ifc附近,所以經常會見到Andy到ifc的超市入貨,有時還會幫老婆手買餸。當日下午三點,一身街坊裝、孭住大袋明顯做完Gym的Andy去超市買清酒,見他一入超市就行去賣酒區,對放滿一個大架的清酒無頭緒,選了15分鐘,買咗兩支700ml的清酒就去付款,買完離開時經過食物櫃就買了件飯糰做下午茶。問到老婆呢?Andy說在家湊仔,而買酒是因為當晚約了朋友食飯。

踢拖Andy揀咗15分鐘先揀到兩支清酒。

目標明確,Andy一揀完清酒就去畀錢。

排隊找數時,Andy不斷扭吓條頸鬆一鬆。

買完清酒,Andy行過食品櫃揀咗件飯糰。

買完嘢,Andy本想邊行邊食飯糰,但見到記者又收返埋。