Brian對Hera有讚無彈！
2018年港姐冠軍陳曉華（Hera）未卸任已受重用，在處女劇《網絡騙案》孭重飛做第二女主角，與朱敏瀚（Brian）有感情戲。這位TVB力捧女神樣靚身材正，加上聽教聽話是「潛力股」。
點擊看圖輯
劇情講陳曉華發男友脾氣，看她演得七情上面，好有Feel喎。
因為唔識游水，跳海部份全程由專業救生員從旁睇到實。
Brian大讚陳曉華今屆再選多次港姐都贏梗。
日前下午，Hera與Brian在赤柱卜公碼頭，拍王偉仁監製的新劇《網絡騙案》外景。兩人先拍一場吵架戲，講Brian不贊成Hera做警花，Hera據理力爭，大大聲鬧到面紅耳熱皺眉頭，對白同表情都交足戲，兩take就收貨。
劇情講陳曉華發男友脾氣，看她演得七情上面，好有Feel喎。
耍完花槍，陳曉華送抱抱畀濕身朱敏瀚。
好戲在後頭，接着講小情侶嘈完，Brian為求原諒，激動跳海，Hera見狀不知所措，最後扶男友上岸溫馨抱抱，和好如初。不過，不熟水性的Brian處男落海表現有點緊張，全程由救生員傍到實，落水15分鐘都要攬住個水泡，拍得幾吃力。當爬上岸時，還被蠔殼鎅損右手流血。清潔好傷口後，Brian補多次跳海鏡頭。
不熟水性的朱敏瀚一躍而下，跳落大海，好專業㗎！
因為唔識游水，跳海部份全程由專業救生員從旁睇到實。
Brian借力爬上岸時，搞到右手俾蠔殼割傷。
Hera處女劇雖然拍了一個月，但仍然好緊張，她笑住追問Brian：「我有冇進步呀？」Brian讚她是好有天份演員，給她70分，「Hera領悟力好高，拍第2日已上手。」提到現場見Hera頻頻走錯位NG，Brian即主動護花：「最主要被風吹到一頭亂髮，而且風聲太大聽唔清楚指示。」談到TVB正值鬧小生荒，Brian拍跳海戲表現進取，他解釋說：「雖然我唔熟水性，但落水都死唔去嘅，而且有救生員都放心。」
陳曉華與朱敏瀚首次合作，表現好有默契。
葉念琛於《Meaningful》頻道主持的愛情節目《越問越雙琛》，每集探討感情與演藝圈最赤裸的話題。最新一集邀得《正義女神》中飾演飾演資深大律師高淑樺的陳煒與陳曉華擔任嘉賓，主題直搗演員核心問題——「入戲太深，會否很容易不能自拔？」
葉念琛今集《越問越雙琛》邀得陳煒與陳曉華擔任嘉賓。
兩位入行年份相差超過二十年的女主角，罕有地公開自己的「入戲」與「抽離」，由陳曉華首次感受到投入的《美麗戰場》，到令她幾乎精神崩潰的《異空感應》；由陳煒第一部完全唔知自己做緊乜的《雪花神劍》，到她人生中最入戲、甚至愛上對手的《廣東十虎》，全程毫無保留。
陳曉華、陳煒
陳曉華：入戲就好似拍拖 初時唔識愛、後來愛得太深、最後要學識唔好太投入
陳曉華以一個極之「陳曉華」的方式去形容演戲的投入過程：拍拖。她坦言自己第一部劇《迷網》時，連錄影廠的太陽是燈光都不知道，凌晨三點問對手楊明「點解太陽仲未落山」，完全處於迷惘狀態。直至拍攝葉念琛執導的《美麗戰場》，她才第一次真正感受到投入「我唔覺得自己好投入，我只係覺得我明林小美諗緊咩，我知道佢死嘅時候係咩感受。」
陳曉華
陳曉華自爆曾被行內人當面奚落：「做嚟做去都係咁」
陳曉華在節目中自爆一段藏了很久的「陰影回憶」，她透露拍攝初期，曾有一位行內人當面冷冷拋下一句：「得啦！做嚟做去都係咁！」她形容當下腦袋一片空白，強忍淚水，最後躲進洗手間痛哭。葉念琛隨即追問是幕前還是幕後人員，陳曉華沒有開名，只說「唔係幕後、唔係幕前……路過，唔認識」，留下一大個問號。她坦言至今仍記得那句說話，但已學識「聽唔到就算」，不再讓別人的批評動搖自己。
陳曉華
《異空感應》後一個月走不出角色 見到垃圾堆想衝上去：「我覺得自己係垃圾」
真正令陳曉華「出事」的是《異空感應》，她透露拍完該劇後，整整一個月走不出角色。「因為嗰套戲我要做一個逃犯，要瞓坑渠、瞓好垃圾嘅地方。到我拍完，返到垃圾堆嘅地方，好想去啲垃圾堆，你當自己係垃圾，太光鮮亮麗，我嘅人生突然——點解會咁？我唔習慣。」後來她自創一套「開門關門」方法，為每個角色在腦內建立一個獨立空間，煞科後鎖上門。「陳曉華都攞得起、放得低，冇角色係攞得起放唔低嘅。」
陳煒自爆曾愛上歐錦棠？一針一線繡名送「黃澄可」，佢有頭髮就冇感覺
相比陳曉華的「感性失控」，陳煒的入戲經歷更帶有一種幽默的清醒，她憶述拍攝《英雄之廣東十虎》時，徹底愛上歐錦棠飾演的角色「黃澄可」，「一個小子慢慢演變成一個英雄，你慢慢見到佢嘅成長，嗰種傾慕與日俱增。」她強調自己愛的不是歐錦棠，而是黃澄可，劇集煞科後宣傳期間，適逢歐錦棠生日，她竟然親手將一頂帽繡上「黃澄可」三個字送給他，「佢那時鏟光頭髮，梳清朝辮子，一著咗嗰件衫，就係我愛嘅人。」那後來呢？「後來佢留返頭髮，著返正常衫，就冇感覺喇。」
陳煒
拍《美麗傳說2》入戲太深被困酒店房 狂食垃圾食物唔肯見人：我覺得個角色好慘
陳煒回憶拍攝《美麗傳說2》時，因角色患癌要與所有愛她的人道別，整個人陷入低潮。「我嗰段時間好入戲，基本上除咗開工之外，我將自己收埋喺酒店房，唔想出嚟。」她形容當時完全不修邊幅，只去便利店買乾糧、杯麵，瘋狂將垃圾食物塞入口。「個狀態係好唔開心，好似抑鬱症咁。」她坦言角色人生太悲慘，煞科後仍維持這種狀態，直至下一套戲開拍才逐漸走出來。
陳煒
《正義女神》：兒子被拖走呼叫「媽媽你幫我」 停機後全廠看着她爆喊
全場最震撼的一幕，是兒子在犯人欄被押走時，不斷呼喊「媽媽你幫我」。「劇本寫我前面唔可以喊，我一路忍。直至到佢一路被人拉入去，叫媽媽你幫我、點解你會咁樣、你快啲反抗……嗰一刻我情緒崩潰，但都要頂住。」陳煒說。停機之後，她終於忍不住哭出來。「我喊出嚟，全世界都望住我，然後我行去犯人欄個仔嗰邊。」她特別提到陳曉華的演出：「我睇唔到佢，只係聽到佢把聲，我已經完全入咗嗰個感覺。佢真係做得好好。」
