*

upload_article_image

Dry足3年終於有拖拍 衛詩雅孖大隻男頭貼頭飲啡

有拖拍啦~

入行11年,34歲英皇小花衛詩雅(Michelle)鮮有傳出緋聞,自2016年與圈外男友分手後至今仍聲稱單身。自認工作狂的她,曾呻苦無結婚對象,還說要公開招親搵鍾意看戲的男友。

Michelle是今年的維港泳大使,她已連續兩年參加維港泳,因為想挑戰自己,完成本以為不可能的任務。

衛詩雅與林德信早前為正在上映的電影《雙魂》拍攝一場水底打鬥戲,前者表示拍呢幕拍得好辛苦。

近年Michelle努力拍戲密密搵銀,前年終於成功上車做業主,以780萬元購入啟德一個348呎的一房單位,並繳付了兩成首期約156萬港元,今年中收樓。事業得意,又終於做業主,但Michelle感情生活就好Dry,單身三年連緋聞都没傳過。年初她終於忍不住向傳媒透露要公開招親搵男友,還說恨結婚生BB。她曾經提過擇偶條件,除了要支持她的工作和愛錫她的家人,「最緊要Man啲,哈哈!」

Michelle有樓又車又有事業,家陣連另一半都有,恭喜晒。

日前下午,化淡妝、著黑色衛衣加短褲Michelle與大約5呎8吋、好白淨的大隻男現身九龍灣Megabox。二人先去IKEA,由於Michelle之前一隻忙拍戲未有時間置傢俱,而忙完宣傳新戲《雙魂》的她即抽時間去行家品公司,睇勻床上用品區、沙發區及浴室用品區,大隻男一直陪住行又不時給意見,行到攰就坐低等女方慢慢揀。Michelle選了十幾分鐘就去會合大隻男,二人一見面又笑住傾偈,感情非常不錯。期間,Michelle曾經去洗手間,出來時男方見到女方頭髮有點亂,即體貼地用手指幫女方撥返整齊。

Michelle揀完浴室小配件就去會合喺沙發坐的大隻男。

兩人一見面就笑得好開心。

大隻男陪Michelle付款後,二人並排而行,然後入了Starbucks飲咖啡。二人買完咖啡後,選坐角落較僻靜位置,邊飲邊傾,有講有笑,相處得好好。大隻男還不時將身體傾前靠近Michelle,女方feel到對方主動示好無縮開,更主動將椅子移近對方,兩人愈黐愈埋,之後兩人互相分享手機靚相,兩人頭貼頭異常親暱,Michelle更經常展露超甜笑容,甜蜜歎啡一個鐘便離開。

Michelle唔港女,買咖啡會同男友一齊買。

全程傍實 ■話晒女友係明星,大隻男同女友買咖啡無任何親暱動作。

Michelle同大隻男坐低邊飲邊傾,兩人講極唔完有好多話題。

兩人互睇手機相片,Michelle睇睇吓更挨落男方膊頭,之後更頭貼頭一齊睇勁Sweet。