《花椒之味》宣傳 馮允謙黃淑蔓Nowhere Boys整辣椒油

有新戲！

寰亞電影《花椒之味》將於9月7日舉行慈善首映禮，當晚更會義賣秘製的「香噴噴青花椒辣椒油」，限量300瓶，善款將捐予慈善機構「九龍樂善堂」幫助關注青年精神健康。日前黃淑蔓、馮允謙和樂隊Nowhere Boys成員Van和Hansun出動，擔任吳少芳（Jodi）小助手趕製「花椒辣油」。

Hansun雙眼通紅兼流淚。

黃淑蔓、馮允謙和樂隊Nowhere Boys

黃淑蔓、馮允謙和樂隊Nowhere Boys

當年Jodi以組合 Face To Face出道不久遇上嚴重交通意外，從此在輪椅上生活，雖然只有一隻手指可輕微郁動，但她非常積極樂觀，繼續熱愛唱歌和烹餁，近年更開展鑽研秘製花椒辣油。Sammi不但是Jodi的好朋友，更是其花椒辣油的忠粉，她不但在紅館大銀幕上分享與Jodi合照，還登出兩大瓶為她口味調配的花椒辣油相片，立即掀起全城熱搜Sammi的「花椒之味」。

Hansun說：「一直好想試吓，一定好好味，但知道原來唔會公開發售就好可惜，估唔到今日有機會嚟幫手，好開心，我哋一定俾心機整！」Van愛下廚，Jodi都讚他有板有眼，所以燒油和伴材料的重任就交給他。而Feanna就被封為「班長」，因為她嚴格督促各人洗手要超過30秒，當她見到Van洗完手亂摸其他東西，立即命令他重新洗手，相當稱職。

Hansun說今日有機會嚟幫手，好開心。

至於Jay就自告奮勇拒戴護眼罩切乾蔥，他說：「我以前唔食辣，長大後越食越辣，但整辣椒油係第一次，我好想感受一吓切蔥醃眼，流眼淚嘅感覺。」結果他和Feanna竟然免疫，反而身旁負責抹辣椒的Hansun雙眼通紅兼流淚，眾人大笑。Jodi笑言因為炒辣椒和配料時會引起好大煙和濃味，所以妹妹會帶回郊外的屋企天台炒，她笑說：「成條村都知佢又整辣椒油！」

黃淑蔓、馮允謙和樂隊Nowhere Boys成員Van和Hansun出動一齊同吳少芳整「花椒辣油」。

「唱作王子」馮允謙（Jay）全新英文歌《Break Your Heart》MV已上架，除了字面上「心碎難過」的意思，還可以從食字角度「讓心靈take個break」變成發放正能量的意思。而Jay今次全新英文歌《Break Your Heart》歌詞和MV都希望帶出療癒心靈、舒壓和放下的訊息。

觀看相關影片按連結：https://youtu.be/SIakXyzZN7Q

Jay說：「今次新歌嘅音樂班底有我同T Ma作曲，作詞有我哋再加埋我細佬Tim Fung，編曲有T Ma，我同T Ma一齊監製。呢首歌去年一月寫，關於Healing（療癒），我哋生活遇到壓力、唔開心，我好想寫一首歌去療癒大家，聽到呢首歌可以relax (放鬆）、唔開心嘅事let go（放下）」。

拍攝花絮

拍攝花絮

今次拍攝MV出動市值逾百萬港幣的Land Rover Defender，這架車主取名「雲石」的越野車，讓Jay憶起在加拿大生活的日子，他說：「嗰陣時放假會自己揸車出去啲埠仔camping、去其他地方玩，呢種road-trip令人好relaxing、好療癒，聽住音樂揸車，令我心情好舒服，所以我好鍾意揸車周圍去，好多美好回憶。」

拍攝花絮

拍攝花絮

根據MV劇情，Jay在森林拋錨即場換車呔，這是他人生首次換車軚，笑說：「我未試過突然爆呔，好彩！如果真係發生，我會call拖車或者搵人幫手。」導演安排了一位真正師傅從旁指導Jay換車呔，由上螺絲到搬車呔，他一手一腳，聽從師傅指示，鏡頭前有板有眼，鏡頭後充滿笑聲，拍攝順利。

拍攝花絮

拍攝花絮

除了在森林取景，Jay還有釣魚、行山和欣賞香港夜景，他說：「MV講我尋找自己，方法係行山、流浪，遇到迷失或唔開心，搵方法去let go。我曾經成日去行山，早幾年會同家人、朋友、另一半去行山，近年工作比較忙，改為做運動，例如跑步、做GYM、散步⋯時間易啲配合工作 。不過今日拍MV嚟到呢度，感覺好舒服，真係要考慮再抽返多啲時間行山，令自己更加平靜！」

拍攝花絮

拍攝花絮

Jay即將於周末在西九文化區安盛竹翠公園，舉行「BLUE MOON WANDERLUST 馮允謙演唱會2026」，他爭取拍MV時化妝和交通時間，狂背歌詞，還帶結他隨時隨地練歌。他笑說：「年紀越大，記歌詞越弱，一定要溫得好熟，要keep住唱先至記得！」演唱會未開始，Jay已想好騷後放大假，但工作檔期滿滿，未必如願。他說：「衝完一定要休息，因為排一個演唱會好大壓力，我同公司要求放一個月假，但佢哋話有工作，最初改為三個星期、兩個星期⋯工作緊要，希望有一個星期啦！（放假去邊度玩？）我諗返加拿大休息，去年真係飛咗好多地方工作，所以想返去見屋企人！」

拍攝花絮

拍攝花絮

拍攝花絮