政事
特首CY公布施政報告，忙到周圍去解畫。做咗新聞統籌專員(IC)的馮煒光明天都會上城市論壇「鬥嘴」，不過佢就唔多驚，唔知係咪有愛心生果補番啦。
原來王老五馮專員唔聲唔聲密運中，佢形容女友唔係政圈、唔係媒體，更唔係政府中人，但就唔肯講女友的其他資料，不過，據佢形容，Ariel並唔認識，諗落都係估唔到啦。
不過，呢位都可以話係「最佳女友」啦，Ariel發現專員有生果杯食，追問之下發現，原來係專員女友凌晨特登去油麻地果欄買，Ariel問乜專員女友買生果大批到要去果欄買咩？答案係「夠新鮮」。真係sweet到好交關。
圖片來源：馮煒光提供
原來兩人在去年十月左右開始，咁啱呢段時有傳媒話專員dry爆自己行街，之後兩人就開始拍拖，專員講笑咁話，果時都差唔多拍拖架啦，報道出街後，「最佳女友」就覺得應該開始啦。
點都好啦，見專員捧住生果杯對住電腦都好sweet sweet囉。
Ariel
** 博客文章文責自負,不代表本公司立場 **
特首CY今早上商台節目講樓市，話政府會繼續以短、中、長期措施，增加土地及房屋供應，政府亦花了很大努力落實樓市雙辣招，他自言已壓低了炒賣、投資和外來幾種對樓市的需求，相信未來房屋供應會不斷增加，預料過去一段時間房屋長時期供不應求的情況，應該接近尾聲。
佢話樓市供不應求「接近尾聲」，都算係一個新提法。最新一期2160個新居屋單位推出，吸引市民瘋狂入表申請，截至昨日下午5時，房委會接獲84100百份申請表，當中白表申請高達73400百份，尚未計算郵寄但未到房委會的申請，白表申請者已經要85人爭1個單位。
據地產業內人士話，8萬幾份居屋申請，理論上不似私樓，不可以重覆入飛，即係有8萬幾個家庭或個人等緊置業買平樓。但短期內政府推出的居屋有限，今年房委會將推出預售的居屋有2700個，加埋公屋轉屋屋(白表市民無份玩)和市建局單位轉居屋，預計都只係有4000零個居屋單位，供不應求的情況仍然嚴重。
地產業人士話，特首講「供不應求的情況，應該接近尾聲」，實際上要兩年才出現，預計到2017年居屋和私樓供應會較多，這個「尾聲」拖的時間會比較長。他估計特首咁樣係出口術，話樓市供不應求近尾聲，係想安撫置業者的情緒，唔想大家太心急在高價時候搶住買樓。
