商業週期借傷成毒

睇《壹週刊》講鰂魚涌一間去年開業的甜品店「紅丸甜品」， 佢好有創意賣西瓜啫喱、懷舊可樂涼粉，熊貓飯團等。 去年一開店就成功，已經月賺四萬，但高潮過後， 近幾個月盈利大跌一半，老闆鄭偉彬(Leo)歸究佔中。 如今運動已完結，人流亦只輕微改善。

壹仔當然唔buy話佔中搞壞生意這一套，認為其經營模式有問題， 包括毛利太低，老闆周身刀無時間管鋪頭，大廚有離心之類。

但小鯊睇完呢篇報道， 才驚覺這兩個月有三四個做生意的大小老闆話生意難做， 原來並非單獨個案，都有一定普遍性。

有個做高級消費品的老闆睇法較深入，佢話呢啲叫「借傷成毒」， 唔好怪晒佔中，係個經濟已經有病，借佔中一搞，啲毒發晒出來， 無佔中都係死，不過死慢啲啫。

在佔中高潮，受影響地區生意停晒，附近地區都生意大減， 重災區生意少了六、七成係等間事，但高潮過後， 如今生意都係得番之前七、八成，即係唔見咗兩、三成生意， 唔好話生意跌唔多，好多生意純利都真係得兩成， 咁跌法足夠令生意由賺變蝕。

佢分析話，消費者在佔中期唔使開，好似買高級消費品， 唔買又無乜嘢噃，反正手頭唔係咁鬆，唔使慣就唔使算啦， 一下子就形成一個停止消費的慣性，若無佔中，最後都係咁， 不過流失得會慢啲、自然啲。

佢話高潮在兩三年前已到咗，當時啲客真係好豪， 佢唔係做遊客生意，但可能有太多人在大陸豪客身上賺咗大錢， 所以本地人好肯使錢，地產經紀特別豪。如今大陸打貪，豪客大減， 樓又加稅，陸客唔炒，賺大錢的人大量減少，消費唔起， 做生意要捱貴租捱貴人工就好惡頂啦。佢自己的旺區舖比10年前加 咗兩倍租，好快頂唔順要棄租。佢睇得淡啲， 話香港的商業週期開始向下啦。

小鯊

** 博客文章文責自負,不代表本公司立場 **

人在法國，遺憾星期四正午，没能跑到街上，跟法國人一同默哀，悼念《查理周刋》事件的死者。法國舉國䧟入悲痛，到處都是「我是查理」的標誌。「我是查理」，不僅是對逝者的哀悼，對生者的支持，更清楚表達法國國民不向恐佈主義低頭的意志。

周四晚法國電視黃金時段，《查理周刋》一位中年男員工出席直播，講述同僚遭殺害時，多次流淚哽咽。他說總編輯受警方保護多年，一直没有出事，因此老總早前就說，阿拉伯國家已開展民主化，部份開始搞普選，中東地區應會向好的方向發展，更說警方對他的保護没什麽作用，可以撤消。

那位被迫開啓雜誌大門的女員工，則曾耍計救同僚，可惜事敗。大樓內槍手首次遇見她時，問她雜誌在那層？她明知是二樓，但回答說是三樓。槍手很快衝上三樓，見那裡空空無人，立即走下來用槍威脅她，迫她輸入二樓雜誌大門密碼。

不少人把今次襲擊，跟美國「九一一」事件相提並論。雖然恐佈性質相同，也造成歷史性的傷痛，但也有根本的分別，就是今次犯事者不是外來人，而是「自己人」，在法國出生，長大及受教育的阿爾及利亞裔法國人，而且並未鬼崇行事，而是事無忌憚，明目張胆地亂槍射殺記者警察。

言論自由，不足以解釋今次事件。論者皆說，事件再次突顯法國伊斯蘭問題之嚴重。佔法國人口一成的伊斯蘭人，數目近七百萬，多是北非移民或後代，比例是歐洲諸國之冠。由自家人搞的恐襲，是一種內爆。

奧朗德總統說，悲劇前法國人需要團結，更邀請在野黨領袖共商國事，齊齊於周日遊行造勢。但一向排斥外來移民的極右領袖勒彭揚言不會參與，因為奧朗德未邀請她領導的國民陣線（Front National）參加。本土出現伊斯蘭恐佈份子，理應對極右政黨有利，法國民意會如何走向？奧朗德口中的團結，又當如何解讀？