張致恒宣佈再做爸爸

恭喜~

張致恒（Steven）今年7月忽然宣佈和未婚妻雯雯誕下一子「天寶」，兩人於今年9月成婚，補辦註冊結婚。昨日雯雯於IG貼出Steven抱着兒子對望的溫馨照，留言暗示再度有喜，寫道：「已經幾日食唔到嘢，咩都冇力做唔到，辛苦你照顧個仔仲要照顧我，辛苦你要將我食完一兩啖嘅嘢食埋佢，辛苦你要一日煮咁多餐畀我食，辛苦你要遷就我嘅脾氣同無理取鬧。仲有幾個月...大家一齊努力堅持埋佢！」Steven即時留言冧妻：「因為你，我真係要好好減肥先得，如果唔係我抱唔到兩個啊，我愛你。」

在酒店做「炒散」的Steven再多個家庭成員，再添上經濟壓力。

雯雯為花心Steven付出真愛，更為他再陀B。

正當大家仲估估吓，究竟Steven係咪咁強咁生得時，傍晚時終於揭開謎底，Steven在IG承認雯雯再陀B，留言寫：「多謝大家嘅祝福，感謝主俾多一個小孩我哋，其實我同我太太都好鍾意小朋友，天寶又可以多一個細佬或者細妹，我覺得咁樣屋企又熱鬧又開心，所以我會更加努力令到佢哋快樂成長！」網友紛紛留言祝賀，唔少留言大讚他「造人」能力夠強，夠勁：「勁」、「咁快？」，亦有人好言相勸，叮囑他加油：「唔好辜負太太對你嘅愛」、「大個仔要生性喇」、「生生性性」，最搞笑有人叫他「開演唱會出個人大碟」。

前度梁皓恩（April）被偷跳Steven狠飛情緒一度失控，至今才走過低谷向大家報平安。

Steven行為舉動對唔住身邊人，令多年來好柏檔關智斌大失所望。

一腳踏幾船成世紀賤男

現年35歲的Steven精力旺盛，太太坐完月即落力去「造人」。之前Steven宣佈未婚生子時，即被踼爆係世紀賤男，原來一腳踏5船，而他和雯雯偷食時，跟前度梁皓恩（April）仍在同居中。

Steven形象插水，關智斌單飛開演唱會，搵嚟容祖兒撐場。

Steven、雯雯、天寶和愛犬過住簡單幸福生活。

今年9月Steven帶埋兒子天寶同雯雯補辦結婚儀式。

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。