67年暴動1個月無返屋企 陳欣健當時想到可回家見父母即哭

前警司陳欣健離開警界轉去娛樂圈發展多年，但對警隊仍然相當支持，每日仍在網上反擊對警隊攻擊的言論。現年74歲的他近日去警署打氣，和眾警員分享心得。

前警司陳欣健為警隊打氣，回憶六七年暴動時的經驗。

陳欣健話好明白警隊好辛苦，受了好多委屈，他憶述1967年香港左派暴動情景，當年佢22歲，隸屬藍帽子PTU，有幾個警察同事在打鼓嶺沙頭角邊境被暴徒打死，他們在沙頭角都好驚，外籍上司的輕機槍也被暴徒搶了，他前面係解放軍，後面係啹家兵，解放軍開槍時，香港警察慌忙找掩護，他自己支輕機槍個子彈匣跌咗落地，要狼狽地爬去執番。

陳欣健當時一個月冇返屋企，上司放佢地呢班年青人回家9小時，當時諗到可以返屋企見到父母，可以一齊食餐飯，全部同事就係哭！當時他們只是無返屋企一個月，但係現時香港警隊已經面對暴徒好多個月，所以要向警隊致敬。

陳欣健指：「每一次見到警隊受到委屈，知道好清晰要面對一次政治鬥爭，不單只要面對政治理念唔同嘅人、破壞法紀嘅人，仲要面對家人、朋友嘅壓力，呢啲情況對我自己來講係不可以想像的。我好想返嚟支持你地，我係代表咗我地果個年代好多嘅警察，我個心好內疚，唔知可以做到啲乜嘢。」「警隊不單只是我地心中嘅英雄，還是我地的底線、香港人未來嘅底線，冇咗警隊，就冇我地。」

「香港有千千萬萬好似我嘅人，支持警隊，有好多人唔敢出嚟，但唔緊要，作為警察，以前同而家嘅理念係一樣嘅，係唔會投訴、唔會覺得自己辛苦，只會付出、為了維護香港法紀。你地唔覺得辛苦，但係我地會覺得你地好辛苦，我地係一家人， I love you HK Police！」

小鯊

** 博客文章文責自負,不代表本公司立場 **

修例風波令反對派聲勢大振，肥佬黎亦咸魚翻生，聞說計劃在1月8日，將已停刊的壹週刊紙面版復刊。

傳聞的版本是壹週刊出來只是季刊，或者可以話試試水溫，如果大受歡迎，可能回復做週刊。

壹週刊紙面版在2018年3月停刊，但保留部份核心人員做網，如今就是核心班底再試做紙面版。

壹週刊告別版。

在印刷傳媒如此艱難的市道，還出來搞週刊，令傳媒行家大跌眼鏡，認為此等扒逆水的行為，相當另類。不過有資深媒體人認為，今年11月反對派在區選中大勝，明年9月就是立法會選舉，2021年12月是特首選委會選舉，2022年3月是特首選舉，壹週刊的本質是爆料週刊，在選舉年大有作為，亦有其市場。

其實肥佬黎唔止出一招，最近亦宣布成立短片網絡平台「一丁目」，話要「呈現香港人在今年抗爭過程的感受與生活，並在台灣用影片感動台灣人，讓台灣觀眾更知道他們是台灣人，更要愛台灣的民主與獨立」。

一丁目網站。

一丁目網站甚有台灣味，睇嚟都係台灣、香港兩邊的客路都啱。