周日的三區反水貨行動，那些踼喼圍罵的畫面傳到內地， 特別是示威者圍罵一名婦人及嚇喊女童的片段在內地網上瘋傳， 大陸網民馬上起哄，不滿被港人歧視，貼上撕毁港澳通行證的相片。
內地大型網站顯著篇幅報道自由行問題
更激者是有網民號稱以月薪3000元人民幣，組織一支「吵架隊」 ，下月殺入香港反罵港人，組織者指隊員要先接受罵人訓練， 從早上九點開始訓練口才、音量、語速、兇惡能力。 吵架隊成員每罵哭一個香港人，就能得到三百元。
另有人在微信留言，話「現在組團去香港，男女不限， 身高一米七五以上，練武術、散打、拳擊的優先。 去到統一使用普通話，滿一百人就出發，即日起開始報名， 行李箱裏面放錘子，鐵棍，伸縮棍，電棍，領棍，不要問我為什麼， 我會佢地通通收嗲。」
亦有視頻題為「北京牛人再次現身，罵爆香港小伙」， 內文主要是罵網上傳是導演彭浩翔的留言， 其實彭已否認那是他的說話，但有關「留言」已在內地傳開， 觸發很大反應。
Ariel估計吵架隊和反擊團都是內地網民搞笑的行為， 不會成真，但內地對香港示威包圍內地客極其反感，網民反應激烈， 內地大型網站如搜狐網今早都用「香港反水貨客暴力升級」 做大新聞兼嚮機，看來這一波反水貨客浪潮， 勢將擴散到影響內地旅客，做零售的朋友要戴好安全帶啦。
Ariel
** 博客文章文責自負,不代表本公司立場 **
財爺繼在財政預算案中結語提到，「香港人，特別是新的一代，在物質生活以外，更加『渴望心中富有』，這是社會成熟的表現」後，再講到對本港年青人相當正面的睇法。
最近佢接受馬會《駿步人生》訪問，更進一步，大讚學生領袖，話佢地一定要有好的組織力及辯才，將來肯定可以很成功，佢仲話好多公司爭住請呢班領袖︰「好多轉做ibanker和大公司高級行政人員」！
呢位「品客叔叔」(財爺的網絡代名)喺訪問度，大談成長同埋喺美國讀書的經歷，當然唔少得佢至愛的劍擊運動啦！曾俊華話今日的香港，有啲似佢七十年代喺美國麻省理工讀書時的美國，同學每個禮拜都示威，主題包括反越戰、要求種族平等同釣魚台問題等等。
佢仲認為學生領袖往往係大學裡最聰明和最有組織能力的人，將來肯定可以好成功︰「事件告一段落，好多公司爭住請，好多轉做ibanker和大公司高級行政人員」。
講到近期唔少學生參與社會運動，曾俊華話係「好事」，反映佢哋有朝氣有能量。佢又忠告呢班年輕人做任何決定前，要停一停、想一想，諗諗對自己、身邊人同社會有好處同壞處。
雖然財爺係咁讚啲年輕人，但學民思潮召集人黃之鋒似乎唔多buy，佢喺facebook回應話，「如果做ibanker同埋大公司管理層先叫『成功』，我好肯定當今學生領袖十居其九都唔會符合所謂『成功』嘅定義」。
但之鋒就話財爺對學生評價好過特首，仲講笑話「估計特首聽日開『早禱會』都會俾說話品客叔叔聽」喎！
