財爺話學生領袖可做 ibanker

財爺繼在財政預算案中結語提到，「香港人，特別是新的一代，在物質生活以外，更加『渴望心中富有』，這是社會成熟的表現」後，再講到對本港年青人相當正面的睇法。

最近佢接受馬會《駿步人生》訪問，更進一步，大讚學生領袖，話佢地一定要有好的組織力及辯才，將來肯定可以很成功，佢仲話好多公司爭住請呢班領袖︰「好多轉做ibanker和大公司高級行政人員」！

呢位「品客叔叔」(財爺的網絡代名)喺訪問度，大談成長同埋喺美國讀書的經歷，當然唔少得佢至愛的劍擊運動啦！曾俊華話今日的香港，有啲似佢七十年代喺美國麻省理工讀書時的美國，同學每個禮拜都示威，主題包括反越戰、要求種族平等同釣魚台問題等等。

佢仲認為學生領袖往往係大學裡最聰明和最有組織能力的人，將來肯定可以好成功︰「事件告一段落，好多公司爭住請，好多轉做ibanker和大公司高級行政人員」。

講到近期唔少學生參與社會運動，曾俊華話係「好事」，反映佢哋有朝氣有能量。佢又忠告呢班年輕人做任何決定前，要停一停、想一想，諗諗對自己、身邊人同社會有好處同壞處。

雖然財爺係咁讚啲年輕人，但學民思潮召集人黃之鋒似乎唔多buy，佢喺facebook回應話，「如果做ibanker同埋大公司管理層先叫『成功』，我好肯定當今學生領袖十居其九都唔會符合所謂『成功』嘅定義」。

但之鋒就話財爺對學生評價好過特首，仲講笑話「估計特首聽日開『早禱會』都會俾說話品客叔叔聽」喎！

Ariel

** 博客文章文責自負,不代表本公司立場 **

玩咗幾個星期的「光復行動」發展到「打游擊」的新階段， 百幾個戴口罩打著反水貨客旗號的示威者，昨日先攻上水， 然後轉區突襲屯門，到晚上再玩轉尖沙咀，示威者不但衝擊商場、 藥房及金行之外，亦到馬路上阻止過境巴士開車， 包圍指罵內地遊客之餘更踢他們行李喼，有意將行動升級。

示威者的轉區行動疑有部署， 他們昨午二時許在上水火車站集合然後到區內示威， 但由於行動事先張揚，有300警員在上水站附近佈防， 雙方僵持後，示威者四時突然撤退，乘車改往屯門區突擊。

百幾人在五時他們進入屯門V city示威，然後到仁政街掃街，再轉戰屯門時代廣場， 由於屯門原本不是示威焦點區，警力部署未足，到大批警員趕至時， 示威者又轉到屯門市廣場示威， 後來再到鄉事會路止阻止過境巴士開車，不但大罵候車內地人， 又不時向着旅客眼睛開關電筒以燈光挑釁，嚇怕了遊客。

到晚上八時，網上又有人號召示威者轉戰尖沙咀， 到九時許幾十個示威者在尖沙嘴碼頭集合，後來企圖衝入海港城， 商場職員關門應對，到深夜仍有示威者在尖沙咀區內到處示威。

示威者為防警方佈防，採取到處流動的游擊方式示威， 在很多場合警方未能及時到場， 他們就包圍示威者及不滿他們行徑的途人，大罵粗口，出腳踼喼， 旅客特別是小朋友都很驚恐，場面都幾恐怖。