厲害！
由溫碧霞（Irene）主演的電影《墮落花》屢獲佳績，除早前獲得越南「The Best Movie Icon」獎、又入圍今屆香港亞洲電影節「隆重呈獻」環節及澳洲「第十屆金拉考國際華語電影節」，好消息陸續有來，剛於「第八屆絲綢之路國際電影節」中，Irene獲得「最佳女主角」獎。
點擊看圖輯
溫碧霞對於獲得「第八屆絲綢之路國際電影節」的「最佳女主角」獎非常開心。
《墮落花》劇照。
Irene表示電影入圍多個影展已經好開心，因為代表大家都喜歡這部電影，是一個很大的鼓勵。對於獲得「最佳女主角」獎，身處峇里島的Irene超開心，「不過有啲可惜，因為咁啱我約咗屋企人渡假，所以冇去到呢個影展、冇親手攞獎。好多謝楊生（英皇集團主席楊受成博士）畀機會我去拍呢部戲。」她指自從加入英皇後，覺得很Warm，整個英皇團隊都好錫佢，「楊生、Shirley、Mani（霍汶希）、經理人，有佢哋我先可以拎到呢個獎。同時亦好戥整個劇組開心，仲要多謝導演、監製。」除了老闆及團隊，Irene表示有一個人一定要多謝，「就係我丈夫，因為一直以嚟佢真係好支持我嘅演藝事業，係佢話畀我聽『你得㗎！』所以我先至咁堅持去做自己，我一定要多謝佢，佢一路喺我身邊Support我好多。」
《墮落花》劇照。
另外，問到角逐今年香港電影金像獎最佳女主角一獎的信心時？Irene透露有信心，但一切隨緣，「而家攞咗呢個『絲綢之路國際電影節最佳女主角』，對我嚟講已經係一個好大好大嘅支持同鼓勵。金像獎方面，而家嘅心情都係隨緣，所有嘢交畀上天，好多嘢上天會有安排，唔需要太介意得獎與否，咁樣先至會更加開心，用一種好隨緣嘅心態去睇獎項，當你攞到嘅時候就會雙倍嘅開心。」
溫碧霞。資料圖片
溫碧霞對於獲得「第八屆絲綢之路國際電影節」的「最佳女主角」獎非常開心。
為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。
英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。
昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。
女團VIVA
溫碧霞（Irene）亦有到場感受氣氛。
經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」
VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」
何佩瑜（Jeana）
Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」
周國賢（Endy）壓軸登場。
全場瘋狂high爆！
整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。
