做人簡單快樂好滿足！
繼劇集《牛下女高音》後，56歲龔慈恩在TVB新劇《大醬園》中跟吳岱融再成為「夫妻」，兩人早年在《嬴單傳奇》開始結緣，估不到這對「夫妻」做足32年，認真有默契。不過，龔姐坦言公私分明，失婚事冇同吳岱融傾訴，就算拍《大》劇期間被傳媒踼爆已離婚，她只會專心拍戲，不會將私人負面情緒帶入工作中：「我OK嘅，知道應該點做，咁大個人係有啲EQ嘅，我有分寸。」
點擊看圖輯
更多相片
56歲龔姐有仔女，有工開，滿足現狀，不急於找第二春。
龔姐於《大醬園》中做大當家夫人，戲份不少。
《大醬園》席德容跟《牛下女高音》大女人戴甘靜怡好不同，龔姐可以過足戲癮。
昔日一家四口溫馨相處已成追憶。
龔姐坦言有段日子為了照顧仔女，忽略了身邊朋友，現在可尋回「失物」！
56歲龔姐有仔女，有工開，滿足現狀，不急於找第二春。
龔慈恩在TVB新劇《大醬園》中飾演大當家夫人席德容，雖然順從老公，但當家道中落要挺身持家，是個堅毅女人，同《牛下女高音》大女人的角色好不同：「現實版我冇大當家夫人咁有本事，通常我只係follow小朋友(子女) 嘅指令。其實同經營家人、男女朋友關係，要互相了解同遷就，開心唔開心攞出嚟講，一齊面對。」
龔姐於《大醬園》中做大當家夫人，戲份不少。
龔姐又形容拍《大醬園》好辛苦，但回到TVB感覺好開心。問到是否寄情工作？她堅持有工作永遠是開心的：「以前有段時間主力湊小朋友，忽略咗朋友，而家工作時搵到舊朋友，又識到好多新朋友，咁咪開心囉。啱啱拍《香港愛情故事》入面有句對白好犀利：『咁你就要更加努力令到自己有更多開心嘅時間！』對自己好有提示，人當然有開心唔開心嘅事，不過，喺適當環境下要有適當安排囉，其實呢個年代有冇拍拖，有冇另一半都冇乜所謂，最緊要生活過得自在開心，有自己工作，仲可以選擇同志同道合嘅朋友一齊，有愛錫嘅子女，做人簡單快樂經已好滿足。」
《大醬園》席德容跟《牛下女高音》大女人戴甘靜怡好不同，龔姐可以過足戲癮。
昔日一家四口溫馨相處已成追憶。
龔姐坦言有段日子為了照顧仔女，忽略了身邊朋友，現在可尋回「失物」！
