生活事
第二站~我地嚟到珠海學院！唔知平時珠海同學仔會食咩架呢？睇下Gigi點講先！
「作為珠海人，總面對吃飯的難題。得一小時空檔，應唔應該走出海濱花園，出去市中心食lunch呢？海濱的餐廳雖然唔少，但總係無一間可以畀我地吹水坐低hea。所以我們落堂就喪衝，坐十分鐘車去到葵芳呢間裝潢精緻的牧羊少年·咖啡·茶酒館。
大家都知港女（即係我）食飯，味道其次最緊要個樣靚！呢到的all day breakfast 影相靚之餘，味道仲要唔錯，加分。一盤有齊pancake、滑滑炒蛋、烘過脆卜卜既多士、腸仔仲有蕃茄，一次過滿足N個願望，仲可以用來自拍，睇得望得食得。仲有仲有，我高度推介的燕麥桃乳酪。酸酸甜甜，係食咁大盤美食前可以幫手開胃。」
小編按：平時我行開平靚正嘅葵涌廣場，都鍾意去呢度坐下飲下下午茶，曬下日光浴~真係好relax架聽日星期日都可以去試下呀！不過記得早啲去排隊喔~
大學生吃什麼
** 博客文章文責自負,不代表本公司立場 **
HAPPY FRIDAY又到喇！大家今個星期過得好嗎？有無好好地坐低落嚟食餐好呢？
喺CITY讀書嘅車厘子~話俾小編聽~最近又一城開咗間西餐店⊙_⊙一齊聽下佢點講：
「哈囉~其實喺CITY讀書，做學生嘅我地無咩選擇。唔想行去南山村咁遠，就留喺canteen食，想食好啲就去又一城食，不過有啲真係好~~~貴！但最近新開嘅呢間西餐廳價錢合理，等我上天地堂中間可以放鬆一鬆，同朋友吹下水(=^･^=)」
我最鍾意就係食呢個「宇治抹茶梳乎厘」，侍應遞上呢個盆嗰陣我真係呆左，無諗過$68可以包含咁多嘢食：包括大大的梳乎厘、一小球抹茶雪糕同埋一壺抺茶。整體感覺好高貴，如果男朋友帶女友嚟食，女朋友一定會好開心（笑）
入面嘅梳乎厘抹茶味好濃，上面厚厚嘅抹茶令人感覺非常討好，咬落質感鬆軟，杯底仲有紅豆。真係咩GPA，FYP都變左浮雲~~重點係咬一啖梳乎厘，喫一口抺茶，真係太幸福喇T_T。
至於all day breakfast就不過不失，88蚊算係咁上下。有腸、薯條、茄汁豆、沙律菜、自選的火腿、炒蛋同牛角包。但其實主要都係食甜品，佢仲有好多款揀架，好想試唒唔同味~
温提：甜品下午兩點後供應
餐廳INFO:
Sweetology
九龍塘達之路80號又一城UG層UG22號
即刻LIKE FB: 大學生吃什麼~ 有更多靚相睇!
