繼續歸納這幾天的訊息, 先講講一名經人, KC雖然黃, 但講野內容充實, 同埋我們亦需要理解一下反對陣形的想法, 知己知彼.
KC在416的一名經人中, 有2個重點:
1) 美國想出手 "打" 中國 (佢補充講吾一定係熱戰, 一開始是經濟戰, 貿易戰...)
2) 外資廠商撤離, 加工組裝等倩序將刻意繞過中國, 影響深遠.
---------------------------------------------------------------------------------------
最近, 美國再熱炒返病毒源頭, 劍指中國, 我們雖然明白特朗普在推卸責任. 但局勢如何發展, 並非在乎我點睇, 並非在乎中國點講, 而是在乎全世界點睇!
暫時, 似乎得俄羅斯同中國同一陣線...但歐洲似乎不買帳, 英國表明疫情過後, 需要中國一個答覆. 法國德國亦吾似會站在中國一邊...
吾好忘記. 美國有GOOGLE有推特/FB...在輿論戰上, 中國處下風...
藍絲應該感受甚深, 多人講, 歪理都會變真理, 這是眾口鑠金! 要老作屈中國係源頭吾難, 如果中國輸左這一役, 有可能被美國帶頭追討賠償/制裁...
事實根本吾重要, 大國博奕, 利益才是永恆! 唯一的曙光是, 究竟歐洲想拉中國下馬, 還是美國?
----------------------------------------------------------------------------------------
上回分析過, 暫時吾似熱戰, 簡單D講, 吾覺有大規模備戰準備, 如囤糧, 軍事基建...當然可能暗中做緊我地吾知, 但如果大規模做應該會有痕跡..
如果吾係熱戰, 甘第一步就是輿論戰, 貿易戰, 經濟戰, 貨幣戰!
歐洲華為5G將成指標之一, 吾比華為5G => 歐洲同美國同一陣線
而數碼人民幣亦是開戰訊號之一, 如果搞得成, 主導亞太區貿易結算, 亦意味亞太區捨棄美國!
(陳德琳日前有編文章就是建議合組中日韓數碼貨幣)
---------------------------------------------------------------------------------------
總結: 老美要搞中國, 顯然是以香港同台灣入手! 藉香港的金融地位, 言論自由, 散播反中訊息! 台灣就更加不用講, 一句趁疫攻台就已牽動兩岸人民情緒!
所以, 香港有需要23條立法! 今屆趕不及, 至起碼加強其他現有法例的應用!
--------------------------------------------------------------------------------------
支持23條立法
反對派梭哈, 藍絲建制政府要團結, 莫鬼打鬼!
阿爺出聲, 清算開始了!
沉默的大叔
** 博客文章文責自負,不代表本公司立場 **
支持23條立法!
有咩好驚啫? 行得正企得正, 怕咩? 怕以言入罪? 拉泛民都未到我這樣的星斗巿民!
雨傘革命時都吾覺; 但今次太明顯:
貿易戰 -> 修例 -> 立會雙胞胎 -> 掟磚 -> 抹黑警察 -> 氣油彈 -> 私了 -> 理大 -> 香港人權與民主法案 -> 台灣選舉 -> 簽定貿易協議 -> 暫時平靜
以上所有所有, 根本就圍繞住中美衝突而發生!
如果你話無外國勢力滲透, 甘請問錢從何來? 物資從何而來? 講緊億億聲!
-----------------------------------------------------------------------------------------
接著, 我懇請反對人士停一停, 想一想, 你地研究要咩?
你話政府吾聽你訴求? 本來諗住修例當曲線行23條, 好啦, 香港依家一鑊粥, 阿爺要出手管, 玩得大, 收得緊, 你可以點?
吾服? 不如取消香港人身份, 取消中國籍, 去台灣睇下人地收吾收你? 去星加波? 人地無口罩戴仲要確診多過香港; 去歐洲? 被排華, 唯有去美國吧, 不過佢每日甘多確診...吾驚你咪去囉!
政府都撤回左修例, 又開左 "獨立檢討委員會" , 又話無講過612係暴動, 5大訴求, 都叫做左2.5個. 吾係無做野!
貧富懸殊, 買吾起樓? 甘更加吾關政府事, 要怪就怪地產霸權! 成個香港D衣食住行都被某些有錢佬控制哂, 部分甚至有可能係今次暴亂的幕後金主! 你想清楚, 政府填海起屋咪好囉, 係咩人諸多阻撓? 將計劃抹黑成 "倒錢落海"?! 點會丫, 直頭 除笨有精, 除賣地收入, 仲可帶動基建->就業->消費, 條數咪又返政府手!
-----------------------------------------------------------------------------------------
再三懇請年輕人念一念, 所謂的兄弟, 手腳如今去左邊? 如果斷正上庭提堂, 咩人可以幫你, 咪得返你屋企人! 兄弟手腳吾會夾錢比你打官司, 除非你有新聞價值...
人生是自己的, 不要輕易受人影響, 冷靜下來想一想!
-----------------------------------------------------------------------------------------
政府有不足之處, 不滿政府我理解, 但亦都要想想政府其實受到不同既得利益者, 不同力度的阻撓. 就像抗疫, 要全面停巿容乜易? 一句便可, 但要顧業界生死...敢問, 如果聽專家/議員講全面停巿, 結業失業係咪佢地負責埋單?
-----------------------------------------------------------------------------------------
支持23條立法
反對派梭哈, 藍絲建制政要圍結, 莫鬼打鬼!
阿爺出聲, 清算開始了!
