風水與命運～作者：國紫平
正所謂一命二運三風水四積陰德五讀書。
一命係先天，由媽媽生下我地個一刻就計算，我地既八字就出現了，「落地喊三聲，好醜命生成」。二運係後天 男女運不同一順一逆，就算命一樣運亦不同。
三係風水，最初我學習風水時亦抱有懷疑心態，風水係咩來睇唔到摸唔到，算命起碼有天干地支，面掌有真人實體，風水係睇方向呀風呀水呀，最多睇埋出面環境，但環境 方向會影響到人既命運嗎？
當我學習研究時 再聽下不同師傅玄學理論，風水係存在的但無形，外國人都會睇風水，佢地叫環境學，中國人就叫風水。 外面環境差例如有臭水味，面向垃圾站你都感覺唔好聞。窗對住發射台都會令人生cancer .這是實質影響。
但方向方位對人有什麼影響呢？地球每日都同太陽月亮還有其他行星既磁場幅射影響，地球係唔同方向就受邊一個行星既力影響最大，因此，我地住邊個方向就受天上既星球發出既磁場影響，只係我地肉眼睇唔到，但你拎科學儀器睇，空間有好多射線，因此風水是存在。
但風水係第三位 ,點解呢？ 其實當你行好運時，你遇到既人事物都係正能量為主，行衰運就遇到負能量較多。福人居福地，你行善積德多，福氣夠，唔洗睇風水一樣揾到好居宅，相反亦然，我地唔好運時可以揾師傅睇風水化解，但更重要係增加正能量同福氣更為治本呢。
本人有一例子20年東面是五黃病位，親人係訓東面，在上年發現有癌症，在八字上印星為用但受傷，健康有問題發生，係命帶人去一個令你病既位，而不是風水帶你命入病。
命同風水既關係係先有壞運後有壞風水，亦令我更有興趣了解風水環境學，而不是外人講既迷信東西。
香港兔蘆術數學會
** 博客文章文責自負,不代表本公司立場 **