政事
前特首「煲呔曾」本來住在妹妹淺水灣的單位，原來話住1年， 而家住了3年，拖了這麼長時間，點都要搬，最近佢計劃搬到元朗葡萄園的獨立屋，點知搞出個大頭佛。
事關商台陳志雲周二在早上的節目，詳細披露了「煲呔曾」 會搬去葡萄園的獨立屋，連地址都爆埋出街，後來就惹起大批記者去影相起底，搞到「煲呔曾」一頭煙。
據悉「煲呔曾」原本和業主傾好，用7.8萬元月租，租用葡萄園的物業，該處市價月租約7萬元左右，這個租金輕微高於市價，是市值租金。雙方傾好咗但未簽約，租約仲俾經紀和律師搞緊。
「煲呔曾」原本想7月搬入去，業主是一個姓丁的區議員，應承先換牆紙，而且間樓有少少僭建，業主也應承拆埋僭建才交樓俾「煲呔」。
但單嘢多得陳志雲爆出街後，大批記者採訪，業主腳仔都軟埋， 而家都唔知肯唔肯正式簽租約，若然最後簽唔成，「煲呔曾」 真係想住都無得住啦。
Ariel
** 博客文章文責自負,不代表本公司立場 **
今年係抗戰勝利70周年，阿爺高調紀念，並首次在抗戰勝利紀念日(9月3日)舉行閱兵，習大大擔任軍委會主席以來，首次主持較大規模閱兵。
內地政界人士分析在抗戰勝利70周年罕有的閱兵儀式，除了是紀念呢場帶來無數傷痛的戰爭外，更可以警示國人「忘戰必危」的道理。再簡要啲講，亦係愛國教育。國務院亦宣布今年9月3月定為全國假期。
特區政府去年開始已跟隨全國人大決定，將每年9月3日定為抗戰勝利紀念日，今年有多項紀念活動。政府最新宣布話，為方便市民參與紀念活動，銘記歷史，將今年9月3日訂為一次過的額外公眾假期及法定假日，會向立法會提交相關條例草案。
呢個假期擺明有愛國教育的含義，確係有政治解讀，建制派議員當然會支持，泛民議員今次就較難反對，民主黨的單仲偕話政府係急就章，見內地確定新的假期先急促仿傚，是「政治的假期」多過惠及勞工為目的。但講到底，佢亦都認為，增加勞工假期是值得支持。
阿爺高調紀念抗戰勝利日有其全局、全方位考慮，特區政府跟隨放一次額外假，打工仔受惠，各派別的議員都難以反對，似乎都要接受呢個「政治假期」，否則就與打工仔為敵。放假呢招真係高，政府不妨多用呀。
