抗戰勝利放假一天 呢招無人可以反對

今年係抗戰勝利70周年，阿爺高調紀念，並首次在抗戰勝利紀念日(9月3日)舉行閱兵，習大大擔任軍委會主席以來，首次主持較大規模閱兵。

內地政界人士分析在抗戰勝利70周年罕有的閱兵儀式，除了是紀念呢場帶來無數傷痛的戰爭外，更可以警示國人「忘戰必危」的道理。再簡要啲講，亦係愛國教育。國務院亦宣布今年9月3月定為全國假期。

特區政府去年開始已跟隨全國人大決定，將每年9月3日定為抗戰勝利紀念日，今年有多項紀念活動。政府最新宣布話，為方便市民參與紀念活動，銘記歷史，將今年9月3日訂為一次過的額外公眾假期及法定假日，會向立法會提交相關條例草案。

呢個假期擺明有愛國教育的含義，確係有政治解讀，建制派議員當然會支持，泛民議員今次就較難反對，民主黨的單仲偕話政府係急就章，見內地確定新的假期先急促仿傚，是「政治的假期」多過惠及勞工為目的。但講到底，佢亦都認為，增加勞工假期是值得支持。

阿爺高調紀念抗戰勝利日有其全局、全方位考慮，特區政府跟隨放一次額外假，打工仔受惠，各派別的議員都難以反對，似乎都要接受呢個「政治假期」，否則就與打工仔為敵。放假呢招真係高，政府不妨多用呀。

Ariel

** 博客文章文責自負,不代表本公司立場 **

最近港大民硏公布的十大議員調查，田二少田北辰入咗十大，排位仲高企第二位，搞到好多政客都眼紅。

唔知田大少田北俊係唔係見到細佬民望急升頂唔順，要多啲出來講嘢攞吓分急救民望。

田少在一個電台節目表示，最近全國政協副主席，前行政長官董建華的言論無新意，官員落區宣傳政改，以及保普選反暴力大聯盟等，給予市民的感覺不太好。

不過有建制派高人就反撃，話田少係人都隊，扮到成個泛民咁款，似乎想拉升自己民望居多。

高人又爆料，田少被阿爺搣柴無得做政協之後，十分無癮。自由黨去過中聯辦，見中聯辦主任張曉明，連無再做議員的周梁淑怡都有出席，但係田少就無去，睇嚟佢係無癮到唔想出席呢啲活動。