政事
最近港大民硏公布的十大議員調查，田二少田北辰入咗十大，排位仲高企第二位，搞到好多政客都眼紅。
唔知田大少田北俊係唔係見到細佬民望急升頂唔順，要多啲出來講嘢攞吓分急救民望。
田少在一個電台節目表示，最近全國政協副主席，前行政長官董建華的言論無新意，官員落區宣傳政改，以及保普選反暴力大聯盟等，給予市民的感覺不太好。
不過有建制派高人就反撃，話田少係人都隊，扮到成個泛民咁款，似乎想拉升自己民望居多。
高人又爆料，田少被阿爺搣柴無得做政協之後，十分無癮。自由黨去過中聯辦，見中聯辦主任張曉明，連無再做議員的周梁淑怡都有出席，但係田少就無去，睇嚟佢係無癮到唔想出席呢啲活動。
Ariel
** 博客文章文責自負,不代表本公司立場 **
今日不斷有傳言話特首會CY落區宣傳政改，特首辦發言人馮煒光在晚上7時30分，在個人Facebook留言，指特首今日不會落區，也不會因有人請願而不出現。
不同團體在地區等候CY落區去請願。大坑西邨居民權益關注組聲稱收到消息，指梁振英會到南山邨落區宣傳政改，他們就在場準備拉橫額狙擊CY，一些商舖為免特首落區時引起混亂，提早落閘關門。
馮煒光傍晚7時半在他自己的fb留言，指今天是「入職以來最奇怪的一天，謠言傳足一天」。他又澄清，特首今晚宴客，不可能會在黃昏時候去了蘇屋及南山。證諸往績，特首也不會因為有人請願而不出現！
佢又話傳媒朋友因謠言而跑了一天，辛苦晒！希望大家早點下班，不要因為怕漏了而有壓力。
睇馮煒光咁講，CY今晚真係無落區喎。
