幾時有BB?
筆者：半澤
身邊好多朋友都知我學左幾年術數，每次出嚟食飯少不免都有睇八字依個環節。
當中出現率最高既問題一定係幾時...
有另一半或者係幾時有小朋友
今次同大家分享下點係八字中睇到幾時生仔
年柱 月柱 日柱 時柱
遷移宮 父母宮 夫妻宮 子女宮
首先大家有個概念，子平八字由出生年月日時組成四柱八字，每條柱代表唔同宮位，當中以時柱代表子女宮，所以想問幾時有bb就一定要知自己幾點出世。
每個宮位中都會有一粒星，我地叫‘十神’代表六親，男命以官殺星為子女，女命就以食傷星計。如果子女星就咁岩住係子女宮，咁就啡喱骨啦，子女質素有保證。
好啦去到戲肉，又宮位又十神，即係點呀？
先論宮位再論星，睇返邊一年大運流年沖動到子女宮，果年有bb既機會就增加，如果果粒係子女星或者化出一粒子女星，機會又再增加。 再黎多粒子女星走黎合你，要中真係時間問題。
準唔準？
以我做例子，大運本來已經郁動到子女宮，庚子流年再加多腳，加上官殺星黎合我，睇埋老婆個八字，一樣有差不多既情況，咁樣直情係兜口兜面中到應一應。
結果大家識我既都知啦，九月就要迎接一個新生命來臨。（師傅：wow!!! 恭喜曬！）
香港兔蘆術數學會
** 博客文章文責自負,不代表本公司立場 **
