6月22日，立法會司法及法律事務委員會會議中，出現郭榮鏗及葛珮帆罵戰。
事緣5月27日葛珮帆議員入了一封信給司法及法律事務委員會，「要求討論司法機構以相同標準，處理針對法官的投訴」，內容指法官的裁決及內容，對社會有深遠的影響，必須謹慎，之前有郭偉健法官因為形容襲擊連儂牆女子而被判刑的被告，有高尚情操，因此後來被撤換，不可以再審理同類的案件。但另一個案水佳麗裁判官則形容一個15歲擲汽油彈的男生是優秀細路，認同他滿腔熱血，深愛香港，所以就判18個月感化。就此個案，葛珮帆收到很多家長的投訴，擔心會教壞細路，這兩個同類型的案件，為何沒有見到馬道立法官有相同的處理方法，因此要求在立法會司法及法律事務委員會上討論。
郭榮鏗搶著說：「有一樣嘢就係原則要講得好清楚，剛才葛珮帆議員指名道姓，對那個法官那些判詞不滿意。唔好意思，這個委員會是不會討論個別法官就某個案件的判詞去討論，如果你要討論，就要討論成個機制，你唔可以因為唔滿意某個法官，在議程討論佢嘅判決。你唔尊重司法獨立，我哋尊重司法獨立，你唔熟書，妳自己睇清楚，唔好喺度亂咁擺法官個名上枱，在此指指點點，（此時郭榮鏗更特別加大聲音）而家你係法官？定係人地係法官呀？」
從郭榮鏗的發言估算，看來他真的沒有睇過葛珮帆封信。
葛珮帆回應說：「郭榮鏗，你究竟有冇睇過我封信？我封信標題是寫明，『要求討論司法機構以相同標準，處理針對法官的投訴』，我不是說要處理或針對某一個法官，或者某一個案件，我只是在信裏舉例有這些案件。如果你無睇過我封信，唔該你唔好喺度亂吠！」
葛珮帆議員信件內要求在議會討論的，是整個機制、量刑的準則。
司法及法律事務委員會主席梁美芬議員補充說：「 我都睇到葛珮帆議員發言提到的案件，是支持她的睇法，但是她要求的議程，是沒有提到個別法官的名字，她要討論的，是成個機制、量刑的準則，是最值得討論的議程！」
從以上對話所見，好明顯郭榮鏗完全沒有睇過葛佩帆議員的信件，便開口大罵了，結果俾人捉到正。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
