六叔死前一天生活如常

六叔去矣，107歲，即使活喺長壽村，相信都係笑喪。六叔過世，無記的內部據聞雖大家都有心理準備，早晚有這一天，但當天早上還是有點「甩轆」，新聞稿、後事都即時搞，都有啲滴汗，因為六叔先遊，一點先兆都冇。

據講過身前一日，六叔一切如常，當然不能說生猛，但都同近年的身體狀況無異，到臨天光突然唔得，而且去得好快，可以說一啲痛苦都冇，呢啲真係福氣，一個人臨終前可以去得咁安詳，都係一種笑喪，所以話六叔的喪事算係笑喪中的笑喪。

因為呢個諗法，17日的追思會，唔會係哀傷果隻，會平淡恰靜回憶，朝十晚六，在將軍澳的邵氏影城，開放俾公眾去懷緬一吓呢位影視大亨。由於唔接受花圈，口痕友話如果當日有人想入定花圈或鮮花等，準備喺將軍澳出售賺番筆，可能要蝕本。

六叔過身，普羅大眾對佢長壽秘笈好有興趣，有人就話佢最後日子含人蔘，有接近家人的消息就話唔真確，六叔真係冇含過人蔘之類，仲笑言，講到人蔘咁有效，唔怪得人蔘賣到咁貴。睇嚟六叔的長壽秘笈真係一個迷，或者可以參考吓本網早前的報道：風流六叔高壽 秘練「回春氣功」。

Ariel

** 博客文章文責自負,不代表本公司立場 **

早前網上流傳一段麥記激吻短片，片中少男聲言為少女弄走她口中菜渣，長吻少女，令人嘩然，事件中的少女睇落相當細，似小六女生，原來已經中二。

知情者爆料，少女是九龍塘津貼女子名校中二學生，只是生得較細粒，所以睇落未似中學生，而男主角則是同區男名校學生，那間學校是天主教津校。

雖然兩間都係教會學校，但女名校向來較嚴，不似男名校學生以玩得見稱，結果一齊中招，女名校校方和家長都生起一陣噪動。

過去爆出咁大事件見晒報，學生難免受罰，不過現今社會尊重學生權益，就再無呢枝歌仔唱。可憐那些中二、三女生的家長們，就要小心為女兒「消毒」，教佢哋正確人生觀。

如今網絡傳訊快速，好易小事化大，麥記激吻件事本身都有少少離譜，另一件朗誦事件本來無嘢，主角男生只是朗誦時表情誇張小小而矣，結果在網上俾人玩到飛起，聞說該男生在校內好乖，老師都好想保護他，希望事件快快平息吧。