「痕車時請勿個線」關則輝分享大老山隧道廣播疑似譚仔阿姐腔

譚仔阿姐腔已成為一種文化。

「痕車時請勿個線 請用低done」呢句係咪有一份譚仔feel？原來大老山隧道廣播都俾到你呢份熟悉嘅感覺，唔通有譚仔阿姐過咗檔？

資料圖片

話說恒隆傳訊及投資者關係董事關則輝（CF）喺社交平台分享在大老山隊道聽到呢段廣播「痕車時請勿個線 請用低done」，大家聽慣咗譚仔阿姐腔，呢啲唔難估，咪就係「行車時請勿過線 請用低燈」，CF更hashtag咗「#可唔可以要求高D呀呀」，以為佢唔滿意隧道廣播唔夠字正腔圓，但佢其後又留言，話「我反為鍾意譚仔姐姐同我覆單wor」，咁即係點好？

大老山隧道清晨5時起，實施「易通行」。

駕駛人士可以直接駛過收費廣場，以「易通行」繳交隧道費，行車情況大致暢順。運輸署署長李頌恩亦有到場視察。

資料圖片

凌晨1時，大老山隧道一帶分階段實施臨時交通安排，期間一條通宵巴士線要改行獅子山隧道。到凌晨4時，隧道來回方向一度封閉1小時，工作人員更改路牌，展示新的指示，包括提醒駕駛人士毋須停車繳費。

政府新聞處圖片

實施「易通行」後，大老山隧道的來回方向，行車線由7條減至4條，運輸署緊急事故交通協調中心提升至聯合督導模式運作，密切監察「易通行」實施情況。另外，當局計劃12月於香港仔隧道實施「易通行」，確實日期有待公布。

政府易通行網站截圖