英總領事吳若蘭強烈支持「袋住先」

10多位駐港歐盟代表和各國領事繼續邀約議員見面， 擺明就政制問題發功，昨日會晤建制派議員， 與會者話英國駐港總領事吳若蘭強烈支持「袋住先」， 認為任何民主制度一定需要時間改善和發展。

昨日見歐盟代表的建制派議員包括自由黨主席鍾國斌、 新民黨主席葉劉淑儀、經民聯林健鋒、 梁君彥和民建聯主席李慧琼等人。

泛民議員日前見歐盟領事時話有部份領事唔熟政改方案，Ariel 估計一定唔包括英總領事吳若蘭，佢對香港政制問題暸如指掌， 佢唔止支持政改方案，仲係強烈嗰種支持。吳若蘭在會上表明， 泛民議員應支持方案，她極力支持「袋住先」， 認為所有民主制度會隨著時間繼續改善和發展。 另外其他領事亦指政改方案增加了民主成份， 又擔心政改方案一旦被否決香港會變得不能管治。

部份領事更打開口牌，問如何令泛民轉為支持政改方案， 建制派議員就未有什麼絕世好橋可以提供。

政壇八卦友話，如今局面有啲搞笑，泛民話政改要跟國際標準， 但實踐緊普選國際標準的西方大國都話袋得過， 證明方案點講都有少少民主進步，但泛民偏偏唔要。 按理阿爺唔喜歡西方收貨的民主成份，如今卻要政改方案通過， 大家好似企錯咗位喎。搞得幾搞，阿爺又會唔會縮沙呢？

Ariel

** 博客文章文責自負,不代表本公司立場 **

今年六四至少有三檔悼念，支聯會搞的維園集會係大台，照樣吸引最多人去。今年學聯不參加維園集會， 港大學生會首次舉辦六四晚會，有2000人參與，加埋探討香港民主的因素入去，參加者以學生為主。 而本土派熱血公民的尖沙咀集會，就吸引咗激進人士參加。

不過本土派和支聯會一早就開咗波。昨日下午4時支聯會舉辦六四座 談會，以「建設民主中國的本土意義」為主題， 有4名本土力量等成員到來踩場，他們舉起「支聯會返支那」橫額，不斷叫「建設民主中國就返大陸」， 質問支聯會達致民主中國的路線圖。

何俊仁發言時，示威者不斷叫咪辱罵「何俊仁睇AV」， 示威者後來與支聯會義工爆發衝突。何俊仁就鬧本土派行為有如法西斯，屢次衝擊支聯會活動， 對事件感到遺憾。

另外據《蘋果日報》報道， 壹傳媒創辦人黎智英昨日和天主教退休主教陳日君出席維園集會， 他表示不明白其他人想法，「我哋追求都係自由民主， 雖然都要集中香港（維園）呢邊，但係代表咗我哋精神，咁多年追求嘅嘢」。有人認為中國民主與香港無關，肥佬黎話：「 有啲本地派(應指本土派)……可能係『佢哋』自己人都唔定」。

肥佬黎口中的「佢哋」，應該指中共。不過黃洋達、 黃毓民在尖沙咀集會帶領與會者大叫「打倒共產黨」口號， 等如同肥佬黎隔江罵戰。