政事
踏入六月，隨住普選法案即將提上立法會，支持同反對的力量落力發功啦！
今日撐普選的一方在社交媒體開始出招，「保普選反佔中」在Facebook貼上一段影片，找咗一位69歲叫潘勝的船長，以普通市民心聲做賣點，叫啲議員支持。
影片中呢位潘船長，話自己由低級船員做到國際船長，後來患上肝癌，去天津先有換肝機會，當時好多朋友講內地醫療水準唔掂，佢自己就覺得呢啲機會唔把握唯有等死，最後去咗天津換肝好番，呢位潘船長最後總結，有時一個機會可以影響一生，帶入去講政改，話覺得錯過呢次，唔知自己有生之年會唔會再睇到普選，叫啲議員要支持方案。
條片仲搵咗唔少潘船長的舊相，配埋背景音樂，希望以感性角度，帶出訊息。
支持一方發功，反對一方明天亦有活動，泛民政黨同多個民間團體明天會到七個區，表達堅拒政改方案，又預留嚟緊兩個周日，視乎政改方案表決的時間表，發起大型遊行同滾動集會，在審議表決期間去立法會外集會。
各方發功，呢位六月政局可能熱過天氣。
Ariel
** 博客文章文責自負,不代表本公司立場 **
逾期居留內地童肖友懷返回內地，但事件餘波未了。隨著事件的細節慢慢曝光，懷仔外婆周紹璇曾否講大話都是一個問題。
周婆婆上月在記者會上聲稱懷仔出生時母親患上乳癌，父親因工業意外截肢，認定懷仔剋父母，遂將之遺棄，父母亦離異，因此懷仔並無戶籍，她是借其他小朋友的戶籍為懷仔申請雙程證來港。
但昨有報道踢爆懷仔的父親並未遇到意外而截肢，懷仔自己有戶藉， 他當年亦是以自己的身份申請雙程證來港。 周婆婆聲稱懷仔父母下落不明， 但後來發現周婆曾與懷仔的母親聯絡，內地公安亦找到懷仔父母， 發現兩人並無離異，還另外育有一名兒子。
有熟悉入境事務人士話，外地人到香港爭取居留權，一定會說出一個最有利自己的版本，例如話在原居地無依無靠，或者受到逼害，所以不能被遣返，要求香港以人道理由收留。入境處必定要小心查核每一細節，核實當事人有無講大話，否則真係收成千上萬人都得。協助懷仔公開向政府施壓的嫻姐，可能都被人誤導了。
周婆婆自願讓懷仔回內地， 到底和內地公安查到懷仔父母的情況有無關係？總之現時看到事件疑點重重， 究竟有無人誇大懷仔在內地無父無母的慘況，預計入境處會深入調查。畢竟周婆婆涉嫌協助及教唆他逾期留港，入境處仍可能追究。
