彭秀慧停留於睇食譜階段 笑說嘉賓話唔識保養離晒譜

彭秀慧主持節目大開眼界

導演彭秀慧最近為香港開電視飲食節目《自煮女人最漂亮》擔任主持，並邀得「廚房新手」周秀娜、鄭欣宜、周家怡、張紋嘉（Crystal）等一同煮食及分享養生心得．彭秀慧坦言集集煮到一額汗，對眾美女嘉賓自稱唔識保養亦相當疑惑，她笑道：「好似細個考試，個個都話自己冇溫書但出嚟100分，我唔信囉。」採訪：黎寶倫　服裝：YLY studio　場地：THE WAVE

首次主持飲食節目的彭秀慧坦言私下甚少下廚。

彭秀慧主持的香港開電視新節目《自煮女人最漂亮》，邀得周秀娜、廖子妤、余香凝等擔任嘉賓。

彭秀慧覺得勤力、獨立的鄭欣宜最漂亮。

周秀娜可以食晒成個蛋糕，但彭秀慧唔信對方冇戒口。

兩位90後廖子妤（右）、余香凝（中）冇拖拍好徬徨。

自認停留在睇食譜學煮餸的彭秀慧，節目中要同時烹飪及訪談，加上嘉賓又唔識煮，直言非常困難；而當中最「得人驚」是張紋嘉，她笑指對方好似「未見過廚房」，問啲問題好好笑，帶給觀眾好多歡樂，彭秀慧說：「以我哋嘅資質都煮到出嚟見得吓人或幾好食，咁你都會煮到。」談到「29+1」才開始保養，她最近愛上飲豆漿，每朝也會飲蜜糖水及用椰子油漱口，問到有否從嘉賓們身上偷師？彭秀慧笑言：「啲嘉賓離晒譜，個個都話唔識打理自己，周秀娜話自己亂咁食嘢又唔戒口，我唔信囉。反而廖子妤、余香凝未到30歲已經好擔心，又話暖宮、胃寒、手腳冰冷。」

彭秀慧前年憑電影《29+1》勇奪金像獎最佳新晉導演。

彭秀慧透露正計劃再自編自導一部新電影。

彭秀慧自言工作以外也有女人一面。

女人識求生好重要

至於「自主」女人是否最漂亮，彭秀慧認為女性至少要有求生能力，有否伴侶都不影響獨立生活，人生應自己作主。提到嘉賓大多是單身，笑問可覺得女生太tough冇人追？她說：「有人話我做咗導演更加唔使諗有人approach，但我覺得好冤枉，工作還工作，背後都可以有另一面。」私下跟嘉賓好close的她未覺單身女星感憂心，「佢哋都喜歡工作，個個都隨遇而安，反而最年輕嘅廖子妤、余香凝最徬徨，尤其余香凝想30歲前結婚。」

ViuTV節目《晚吹 - Chat KP》逢星期四晚上11時00分播放。生活總會遇上大小煩惱及奇怪遭遇，假如有事情讓觀眾困擾尷尬、不吐不快、或想尋求建議指引，也可來信本節目，見過風浪的女主持彭秀慧（KP），會聯同現場觀眾或與知名嘉賓互動，以開信或即場phone in為觀眾提供建議，一齊一笑解千愁！

彭秀慧邀請到電影《尋秦記》兩位主演古天樂、林峯前來分享。

今晚（2月5日）播出的第60集，KP邀請到電影《尋秦記》兩位主演古天樂、林峯前來分享。KP提到《尋秦記》中兩位主演碼頭離別流淚一幕令人難忘，林峯指拍攝順利兩take搞掂：「其實嗰場戲好順利，好真情流露，好自然就演到出嚟，個心情好似係儲咗20幾年呢個角色嘅內心世界，好澎湃，個角色本身個基礎好豐富，所以拍得好順利。」

古天樂指謝票時見到好多四五歲左右的小朋友，他問及小朋友有否看過電視劇：「佢地話無，不過話睇完電影會走去睇電視劇，依樣嘢我係無諗過，因為依家啲小朋友可能無咁好耐性，嗰時啲電視劇40集，真係要煲㗎，哇佢地竟然睇曬。」

林峯謝票感激觀眾長年支持。

今集話題為「男兒淚」，KP問及兩位「現實生活中最近一次喊」的經歷，古天樂分享對上一次喊是拍攝前的前兩個禮拜：「個日我媽生日，同我媽食飯，咁影咗張相，影完之後我望住張相望咗好耐，我覺得我好少post我屋企人啲相出去，上一張應該有成十幾年前都有，望住張相就覺得，咩叫珍惜眼前人。依幾年無論係疫情定戰亂，突然間個世界好似變得好緊要，但點變都好，唔識珍惜眼前人係一個好大嘅問題，依部戲都有講『過去嘅嘢我地無辦法改變，但眼前嚟緊嘅嘢我地可以珍惜』，睇吓睇吓張相就突然有啲眼淚流出嚟。」

KP問及兩位「現實生活中最近一次喊」的經歷。

林峯分享對上一次喊是幾個月前想起家人，不過前陣子到台灣宣傳電影的日子亦令他感慨萬分，古天樂笑問：「攰到喊啊？」，林峯回應：「OK啦，開心嘅。」林峯補充自己未試過去台灣謝票：「可能咁多年嚟，其實有好多各地支持我作品或音樂嘅人，佢地會嚟睇我演唱會又剩，但我終於去到佢地嘅城市，見到佢地咁多年，可能講緊二十年以上嘅個份支持，我會諗返起，我個演藝事業嘅原動力都係源自佢地。」KP問：「咁你開演唱會都好感動㗎？」林峯回應做歌手和演員的感動方式有別：「歌手可能舞台上可以直接面對到觀眾，演員拍野都係同同事匿埋一齊，唯一可以同觀眾接觸就係謝票，所以係好感動。」

古天樂分享對上一次喊是拍攝前的前兩個禮拜凝望母親生日合照。