香港人，能屈能伸。
經濟低迷下，各行各業都有人被裁員。影星曾志偉在2002年電影《慳錢家族》內飾演每日隱瞞子女到快餐店扮上班的失業爸爸，現實中也真有其事。Facebook專頁「辦公室日報」發文，本港有一名年過50歲的原本高薪厚職的男士，求職多次都不如意，終於紆尊降貴，轉行靠步行送外賣。
點擊看圖輯
曾志偉在電影內飾演每日到快餐店扮上班的失業爸爸。《慳錢家族》截圖
曾志偉在電影內飾演每日到快餐店扮上班的失業爸爸。《慳錢家族》截圖
資料圖片
資料圖片
曾志偉在電影內飾演每日到快餐店扮上班的失業爸爸。《慳錢家族》截圖
專頁透露，一位年過50歲的男士，當年發帖者成功介紹了一份工作給他，好可惜在疫情之下，公司宣布裁員，高薪人員全部要走。
專頁引述對方，「話分唔清係面子問題，抑或係唔想老婆擔心，被裁之後每朝如常7點起身刷牙梳洗，8點鐘準時出門扮返工，去連鎖快餐店叫一個早餐坐半日，行一陣等到兩點幾三點再去第二間，最緊要過咗lunch time，因為叫tea可以慳返啲錢」。
曾志偉在電影內飾演每日到快餐店扮上班的失業爸爸。《慳錢家族》截圖
男事主一坐低就會打開電腦不斷搵工，但市道確實差，發了無數份履歷出去只換來3次面試機會，要求薪金輕微加幅的一份，對方說這個時勢出不起；願意平手的一份，對方怕他騎牛搵馬；至於願意降薪的一份，對方懷疑他有古怪。
專頁形容，男事主「以前份工好忙，覺得時間過得好快，而家日日要出去搵地方坐，捱到6點再搭車返屋企扮放工，原來時間可以過得咁慢。心情愈嚟愈差，有儲蓄但同時供緊樓，見工完全冇曙光，夜晚又瞓唔著，終於鼓起勇氣同老婆講。其實佢覺得老婆一早feel到，只係唔講出嚟，等佢冇咁大壓力」。
資料圖片
資料圖片
男事主克服心理關口過後，決定放下身段，上個月開始做「步兵」送外賣，收入較以前大減，但總好過坐食山崩。
專頁版主聶瞳由於在文字間聽不到語氣開心或不開心，所以直接問：「適應嗎？以前嘆冷氣點人做嘢，而家做步兵，要日曬雨淋。」對方回覆：「適應到，還可以，呢排好多大廈唔可以送上樓，要啲客落大堂拎，對我嚟講舒服咗少少。」
