高薪中年漢失業一度扮返工終為家室做步兵送外賣

社會事

高薪中年漢失業一度扮返工終為家室做步兵送外賣

2020年08月15日 15:33 最後更新：16:34

香港人，能屈能伸。

經濟低迷下，各行各業都有人被裁員。影星曾志偉在2002年電影《慳錢家族》內飾演每日隱瞞子女到快餐店扮上班的失業爸爸，現實中也真有其事。Facebook專頁「辦公室日報」發文，本港有一名年過50歲的原本高薪厚職的男士，求職多次都不如意，終於紆尊降貴，轉行靠步行送外賣。

專頁透露，一位年過50歲的男士，當年發帖者成功介紹了一份工作給他，好可惜在疫情之下，公司宣布裁員，高薪人員全部要走。

專頁引述對方，「話分唔清係面子問題，抑或係唔想老婆擔心，被裁之後每朝如常7點起身刷牙梳洗，8點鐘準時出門扮返工，去連鎖快餐店叫一個早餐坐半日，行一陣等到兩點幾三點再去第二間，最緊要過咗lunch time，因為叫tea可以慳返啲錢」。

男事主一坐低就會打開電腦不斷搵工，但市道確實差，發了無數份履歷出去只換來3次面試機會，要求薪金輕微加幅的一份，對方說這個時勢出不起；願意平手的一份，對方怕他騎牛搵馬；至於願意降薪的一份，對方懷疑他有古怪。

專頁形容，男事主「以前份工好忙，覺得時間過得好快，而家日日要出去搵地方坐，捱到6點再搭車返屋企扮放工，原來時間可以過得咁慢。心情愈嚟愈差，有儲蓄但同時供緊樓，見工完全冇曙光，夜晚又瞓唔著，終於鼓起勇氣同老婆講。其實佢覺得老婆一早feel到，只係唔講出嚟，等佢冇咁大壓力」。

男事主克服心理關口過後，決定放下身段，上個月開始做「步兵」送外賣，收入較以前大減，但總好過坐食山崩。

專頁版主聶瞳由於在文字間聽不到語氣開心或不開心，所以直接問：「適應嗎？以前嘆冷氣點人做嘢，而家做步兵，要日曬雨淋。」對方回覆：「適應到，還可以，呢排好多大廈唔可以送上樓，要啲客落大堂拎，對我嚟講舒服咗少少。」

往下看更多文章

鄰居搬貨入屋大門遭刮花「入晒肉」港男崩潰求助：賠錢找鄰居定搬運公司？

2024年05月01日 12:30 最後更新：16:23

搬屋過程若不慎刮花其他單位的大門，責任究竟屬於鄰居還是搬運公司？

責任屬鄰居亦或搬運公司

換樓、買新樓、租新屋，每個人的少則經歷一兩次，多則六七八九次甚至更多，搬屋現場基本都是兵荒馬亂，搬傢俬時刮花牆身、門身無可避免，如果過程中不慎刮花其他單位的大門，那責任究竟屬於鄰居還是搬運公司？

日前就有網民發文指，鄰居家的搬運工人在搬貨期間意外刮花自己屋企大門，而刮痕更是深到「入晒肉」，求助無門之下唯有發文向網民請教解決方法。

兩條刮痕「入晒肉」

該網民在Facebook群組「家居維修交流平台」發文，指「隔離（鄰居）搬嘢Hi（揩）花咗我道大門，入晒肉。」該網民同時公開大門外的閉路電視片段，只見工人在搬運一件長條形貨物時，貨物意外撞上事主單位大門，他其後再檢查自家大門，發現上面多出兩條明顯痕跡，更形容刮痕甚深「入晒肉」，不過工人似乎察覺到已刮花事主單位的大門。