娛圈事
最緊要身體健康。
IG圖片
29歲的《東張西望》主持阮嘉敏入行4年，昨天（19日）於社交網表示因健康問題而宣佈暫別幕前。
IG圖片
阮嘉敏因健康問題而要暫別幕前，她於社交網出PO指：「休息是為了走更遠的路。醫生說我免疫系統有點弱，所以皮膚易敏感體重不斷下降，大概都是這個原因。暫時休息一段小時間希望可以快點工作，亦祝福大家身體健康。」
IG圖片
阮嘉敏於2016年參選港姐入行，先於澳洲昆士蘭科技大學修讀媒體與傳播研究系，其後於香港中文大學傳理系畢業。阮嘉敏雖然於選美時十強止步，不過後來簽約TVB，曾主持過《3日2夜》以比堅尼造型登場。其後她擔任《東張西望》主持，大約三年多時間。
網上圖片
阮嘉敏加入《東張西望》有三年多，上年五月因為追訪屯門公園的師奶阿叔終日跳舞擾民，一連追問多條尖銳問題，因其主持技巧出色而備受讚賞。
由王偉仁（Simon）監製、譚翠珊編審的《靈戲逼人》，逢周一至五晚8 點半翡翠台播映，主要演員包括張振朗、龔嘉欣、劉穎鏇、阮浩棕、吳子冲、蔚雨芯、李成昌、江欣燕、謝雪心、阮嘉敏及魯振順等。7月17日一集劇情圍繞若琳（阮嘉敏飾）及傑仔（吳子冲飾）感情發展，敏敏（劉穎鏇飾）及阿東（阮浩棕飾）為了撮合二人，刻意晚上露營期間大講鬼故，之後更刻意留下傑仔及若琳獨處。欲幫手牽紅線的「女鬼」柳芳拿出火機炮製「飄浮鬼火」，結果遭對靈異事物極有興趣的傑仔追到通山跑，獲網民讚場面搞笑過癮。
呢幕荒山野嶺講鬼故唔少網民嗌過癮。
呢幕鬼火真係好搞笑。
龔嘉欣呢滴眼淚，為日後劇情埋咗好大嘅伏線。
另若琳的一場相睇戲，亦引發不少討論。其實阮嘉敏（Mandy）自出場後，一直備受網民關注，尤其「若琳式」含羞答答樣及「Gfable 七式」更是贏盡好評，對此Mandy回應：「我有參考《大時代》入面周慧敏演嘅慳妹，學吓啲小動作同眼神，再喺屋企對住塊鏡練表情同陰聲細氣講嘢，試咗個零兩個月我自己都接受咗喇先去演。同埋我身邊咁啱有朋友個妹都係內向啲，我去佢屋企『偷師』，佢阿妹真係唔係點郁，同埋我試過同佢傾偈，佢真係唔係好敢望我。」Mandy又笑指朋友都喜歡劇中的她：「佢哋覺得我平時嘈啲，好想我安靜。」
眼Bling Bling、亮晶晶
陰嘴甜笑
含羞答答
受保護系列之膽小如鼠
秀髮飄飄
含蓄的微笑
乜都Say Yes
預告將為吳子冲變得更癡線
Mandy又指十年前因做模特兒已與吳子冲相識，並謂因為雙方有「朋友底」，故此演繹「含羞」場口時才不致太緊張：「其實真實嘅我唔怕醜、唔怕事亦唔內向，對住鍾意嘅男仔我會採取主動，呢個角色真係完全唔係阮嘉敏嚟架，所以出街前我都好擔心演得唔似。真係好多謝監製Simon，呢個係我喺公司咁耐第一套比較多戲份啲，同埋我唯獨冇做過咁怕事內向嘅角色，自己都冇諗過做得到，好多謝Simon畀機會我試。」Mandy又預告本周稍後劇情若琳將為傑仔更「癡線」和「豁出去」：「大家到時要留意呀，我自己都鍾意呢個角色，因為幾浪漫。」
阮嘉敏大選劇中阿爸魯振順係好好嘅對手同前輩。
阮嘉敏對自己演繹委屈樣並未太滿意，大家又點睇？
呢位醉酒佬演員叫阿唐，成家班出身，近年由副武術指導轉為演員，喺唔少劇集都可以見到佢嘅蹤影架。
嚇到若琳死死吓。
英雄救美，幾時都係咁浪漫。
曾於武術比賽勇奪全能冠軍
另一搶焦位落在之前憑劇集《黯夜守護者》演出贏盡關注的楊凱博。童星出身的楊凱博，曾演出不少無綫劇集包括《特技人》、《城寨英雄》、《降魔的》及《逆天奇案》等。在《城》中飾演陳展鵬童年的凱博，自小熱愛武術，並曾於武術比賽中勇奪全能冠軍。昨晚，劇中飾演粵劇團興趣班同學的凱博，上台表演耍纓槍，雖然只是很短時間，但盡顯身手及功架。凱博透露自幼習武也是最擅長刀棍功夫，故對拍攝有一定幫助。問到耍棍心得，他則說：「要練得好，我個人嚟講覺得關膽量事，我嗰時有同其他人一齊學，但有啲人打得特別型同快，因為佢轉得快，但咁樣打到自己嘅機會亦會大。但我由細到大都比較細膽，所以我轉嘅棍花相對就慢，專業嘅人睇落去會冇咁靚。」凱博又笑指拍攝《靈戲》其實很考驗體能：「好多場戲我哋都要受訓，又要大動作、又要追車跑步練氣，嗰時仲要大熱天時，都會有少少辛苦，但係少少啫。」
個個演員都真跑架！
博仔功架十足，但佢謙稱未達水平；但For觀眾嚟講已經好有睇頭。
