入行20年首獲國際性演員獎項 陸駿光：提醒自己不要自滿

嗱喳表示要更加努力嘗試不同角色！

陸駿光（暱稱嗱喳）最近憑去年港台單元劇《星星的孩子：魚蛋》奪得「2020 New York Festivals TV & Film Awards紐約電影電視節」演員銅獎。入行近20年首度奪得演員獎項的他，因疫情未能親身領獎，以為感受不大，直到獎項寄到手他才識得感動，更一度眼濕濕，他認為得獎後反而會提醒自己不要自滿，不要停步，要更加努力嘗試不同角色，因為永遠不知觀眾何時會留意到。

陸駿光入行多年，終於奪得首個獎項「紐約電影電視節」演員銅獎，當然值得開心。

嗱喳曾期望憑着電影《Ｇ殺》的突破演出，有機會獲得提名。

嗱喳最初收到導演通知會參加影視節時，沒有太大感覺，「老實講之前拍第一部電影《碟仙碟仙》同埋《Ｇ殺》，因為難得咁有發揮，曾經以為有機會提名，但到頭嚟都係冇啦！所以真係冇再諗獎項嘅嘢，所以導演通知我參展，我都冇乜感覺，到攞埋獎其實都唔係好真實。」加上疫情取消了頒獎禮，沒機會親身領獎，令他感受也不深。

在港台單元劇《星星的孩子：魚蛋》中，嗱喳飾演太太離世後，要獨力照顧患有自閉症兒子的父親。

嗱喳劇中跟兒子有不少感情戲，幸好對手童星馮皓揚演繹出色。 

直到獎項由美國寄到來，嗱喳才真正感受到那份重量，「我放喺客廳當眼個櫃度，我望住一陣突然呢廿年嘅回憶一湧而上，忍唔住眼濕濕。其實得到呢個獎真係好榮幸，因為參展嘅國家係嚟自世界各地，而我係香港代表唯一一個得到演員獎，而得到金獎嘅演員，主演嘅英國劇集《Fleabag》係奪得金球獎㗎！」講到得獎原因，嗱喳認為演繹勝在夠自然，「呢個劇係比較寫實，感覺有啲似紀錄片，所以導演要求我哋要演得好淡，好似生活緊一樣。」

嗱喳很感激劇集導演黎敏儀（中），在她指導下令他有很好的發揮。

得獎後，嗱喳只跟太太Sherraina和媽咪簡單慶祝。

得獎後嗱喳坦言開心完就算，只跟太太食立食壽司當慶祝，往後只會更加努力工作，「我會提醒自己唔好自滿，唔好停步，反而要更加努力嘗試唔同嘅角色，之前試過對自己演出好有信心都係冇獎，今次演出完全冇花巧，反而得獎，令我更加明白羅冠蘭老師當日同我講，千祈唔好為獎項演出，單純發自內心去演最重要，因為你永遠唔知觀眾幾時留意你，將來我希望觀眾記得我演嘅角色之餘，都會記得我叫做陸駿光。」

梁雍婷狀態大勇，在女子組4公里勇奪亞軍殊榮！

CAN RUN 2023今年邀得三位人氣實力兼備的演員陸駿光（Alan）、梁雍婷（Rachel）及黃梓樂（Sean）為大使。三名大使於港島大潭郊野公園出席「CAN RUN 2023」實體賽，參與啟步禮並與一眾跑者跑足全程，身體力行為正生書院籌款及籌罐頭。

CAN RUN 2023於星期日（11月3日）舉行。

陸駿光、梁雍婷及黃梓樂擔任大使。

陸駿光、黃梓樂、梁雍婷

多項組別均競爭激烈，同場參與CAN RUN慈善跑的更包括多名殿堂級山跑手，當中包括「笑住跑達人」Limbu Yama Nath “Nugo”、年屆70多歲的「刀片跑手」馮錦雄、「黃師傅」Lawrence及人稱「跑步大叔」的Stanley Got。而日前剛完成香港黃金百里賽的「越野及馬拉松跑手」Joseph Yeung勇奪男子組10公里亞軍。

一眾跑手。

一眾跑手。

而女子組4公里由身兼大使及參賽者的梁雍婷勇奪亞軍殊榮，更被大會主持封為「跑山界明日之星」。Rachel大感振奮：「本身自己都有跑步習慣，今年好開心可以成為CAN RUN大使，首次體驗帶住罐頭跑步，為慈善跑籌款同籌罐頭出一分力，感覺特別有意義。今日參賽得到亞軍，令我更加想保持好長跑習慣，隨時作好準備。」Rachel參與的三部電影《白日之下》、《年少日記》及《不日成婚2》現正同步上映當中，她透露連日會繼續參與不同謝票活動，親身感受觀眾反應。

梁雍婷勇奪女子組4公里亞軍。

梁雍婷獲大會主持封為「跑山界明日之星」。

梁雍婷表示會想保持好長跑習慣，隨時作好準備。

而Alan及Sean亦分別順利完賽，Alan透露心情特別興奮：「天公造美之下，能夠同過百位參賽者一齊參與慈善跑特別開心，一齊宣揚CAN RUN嘅精神，互相為唔同組別嘅朋友打氣！」；年紀輕輕的Sean一如以往充滿活力，Sean完成賽程後表示：「好榮幸能夠親身為CAN RUN所有參賽者打氣，晨早跑完步特別精神，仲可以同Alan哥哥同Rachel姐姐一齊為正生書院嘅朋友出一分力，呢個週末過得特別有意思。」

陸駿光順利完賽事。

陸駿光心情特別興奮。

黃梓樂笑言晨早跑完步特別精神。

黃梓樂開心可以為正生書院出一分力。