姜濤直播做Music Live，其間Stanley亂入。
MIRROR成員姜濤和邱士縉（Stanley）上月飛抵台灣拍偶像劇，因為要半年後先同香港嘅「鏡粉（MIRROR歌迷專稱）」見面，所以兩人都好識做，頻頻於社交網站出Po、開Live慰藉一班粉絲。
點擊看圖輯
更多相片
姜濤正在台灣拍偶像劇。
同樣在當地拍劇的Stanley獲劇組送蛋糕慶生。
姜濤喺屋企戴晒口罩同帽開Live。
一身家居服嘅Stanley路過笑姜濤偶像包袱重。
之後Stanley搞笑地配合姜濤戴上黑超和Cap帽。
姜濤正在台灣拍偶像劇。
同樣在當地拍劇的Stanley獲劇組送蛋糕慶生。
昨（27日）晚姜濤就在IG直播做Music Live，與友人即興彈結他、唱歌仔，事後他都節錄了其中兩段同網民分享，包括演唱隊友Anson Kong的新歌《蝸牛》及張敬軒的《斷點》，一眾鏡粉紛紛留言讚好聽，有人仲表示聽到「耳朵懷孕了」。
姜濤喺屋企戴晒口罩同帽開Live。
一身家居服嘅Stanley路過笑姜濤偶像包袱重。
不過，最好笑的是，一開波見到貪靚的姜濤遮晒面上鏡，片中一身家居服、似是斟完水路過的Stanley笑謂：「嘩！喺屋企戴口罩，Oh my god！嘩！戴晒帽咁樣，偶包（指偶像包袱）重到呢！」
之後Stanley搞笑地配合姜濤戴上黑超和Cap帽。
語畢姜濤笑了兩聲，然後唞了啖大氣就叫伴奏的朋友仔練彈，當Set好鏡頭準備開金口之際，姜濤望一望側邊忽然爆笑，鏡頭一轉，原來Stanley為配合姜濤的「偶像Look」，搞笑地戴上黑超、Cap帽，並拿着水杯坐在旁邊笑道：「得你有偶包呀，我冇咩而家？！」場面爆笑！