他表示試過連幾蚊隧道費都畀唔到。
苑瓊丹、羅天池（東星圖片）
前TVB藝人羅天池於2015年離巢，結束14年賓主關係，多年來醉心武術。他曾勇奪巴西柔術比賽冠軍，同時亦成功轉型成為動作導演，曾為多部中港影視作品擔任武術指導。最近他於抖音拍片，分享自己過去的艱苦生活。
資料圖片
羅天池入行多年演配角為主，當年於《愛回家》飾演阿登而為人熟知。雖曾拍過多部作品，但多年來於TVB仍未能彈起，於是他決定於2015年離開TVB，專注發展武術，更拍了多部內地劇集與電影，收入大增。
網上圖片
近年羅天池曾為黃子華主演的《乜代宗師》、任達華和石修主演的內地電影《爺們》、《廚神下凡》、和ViuTV劇集《詭探》等作品擔任動作指導。他在片中提及TVB待遇刻薄，人工不足以生活，他說：「嗰段時間出糧出好少，非常少都係出底薪，冇曬錢，我揸電單車都唔知點出門，真係1蚊都冇，我唔係講笑真係1蚊都冇嗰種狀態。」
網上圖片
走投無路之際，羅天池更問同事張雪芹借錢，他指當時連幾蚊都無：「我記得嗰陣係2005或者2006年，我打電話畀女同學，叫張雪芹，問佢可唔可以借100蚊畀我，佢話冇問題叫我快啲返廠。我話多謝你，但頭痕啦，我揸車點樣過隧道呢？我衝隧道，一衝出去就嘟嘟聲，唯有衝到過去問Candy（張雪芹），佢借咗200蚊畀我。拍完幾場戲，我就返去交返啲錢。嗰幾蚊雞，冇就係冇。」
網上圖片
此外，羅天池又提到自己曾開設酒吧和製作公司，但最後都執笠收場。他表示人生跌到谷低，會被上門追債，要煩惱如何「撲水」，亦與不少朋友決裂，相當唏噓。
