港美股市已露疲態 芬佬豐收部份人不想再搏

上周講到，有股友見阿仔開學，上堂要靠視像會議，於是買了一些Zoom股票，估唔到以285美元買入，上週一晚公布季績極好，全年每股盈利預測由1.29美元向上修訂至2.47美元，勁升九成， Zoom股價上周二竟曾升至478美元，買股票揸咗5日就升咗六成七，真係好耐都未試過！代表散戶一窩蜂湧入，市場處於極度亢奮階段。

股友睇咗一陣，先沽一半，週三再睇唔對路，全部沽晒，平均來講都執咗50%，買股票無咁容易賺到盡，有得執已經好開心。上週五Zoom嘅股價已經跌到落去369美元收市，沽壓甚重。其實Zoom的股價今年3月時只是100美元左右，若當時已入貨，即使現時沽貨，升幅仍達2.7倍！

事實上，隨着納指由三月低位6631點反覆回升之後，再在6月時突破今年2月歷史高位9838點，便開始吸引大量散戶入市，而且不少是年青股民，在美國眾多大城市限聚令下，更多人留在家中冇事可做，炒股搵快錢，變成一種時尚，最重要是越炒越有，越買越升。一方面大家認為在11月3日總統大選之前特朗普希望股市可以上升，有利其選情。另一方面，舊經濟股唔掂，新經濟股受惠疫情，隨手拈來，全部都有藉口炒上，在無限量寬下，成為資金追捧對象。而特朗普要對中國科技股打壓，又令一些中概股炒上，博其回香港上市。

我求其列舉一些自3月低位至今升幅超勁的股票，你便可以知道炒風是如何熾熱。
股名及性質 （3月低位，近月最高，累積升幅，上周五收市，全部以美元計)
Shopify，中小企電子商貿平台 (335，1146，+242%，973）
Apple，iPhone 製造者 （52.7，137.9，+161%，120.9），股份剛1拆4。
Tesla，電動車生產 （70.1，502.4，+616%，418.3），股份剛1拆5。
Zoom，視像會議 （102.5，478，+366%，369.8）
BiliBili，被視為中國的YouTube（19.2，54， +181%，47）
PDD拼多多，被視為小型淘寶（30.2，98.9， +227%，85）
NIO蔚來，被視為中國Tesla (2.11，21.05，+897%,17.98)
Nvidia英偉達，晶片股 （180.3，589，+226%，504.9）
以上就是一批炒得比較勁的美股，至於大型的科技股如亞馬遜及PayPal等，3月至今升幅亦有一倍。

蔚來三月至今最多累升8.9倍！

納指上周五一碰到十周平均線10900附近，低見10875點便反彈，收報11313點，擔心本週如再下破10875點，由3月至今反覆上升之走勢將被破壞，調整起碼會見20週平均線10100點左右，如果納指真的下破，恒生指數也會跟跌破24100至24200水平，到時3月至今浪比浪高的上升走勢亦會遭遇破壞。若出現這種破位向下的狀況，投資者應轉為保守，仍有利潤的可考慮止賺，如不幸坐艇有蟹貨，部份亦可能要忍痛止蝕。

有基金經理向尚風說，他在4至8月已經賺到盤滿缽滿，第4季一定會轉趨保守。因為無論特朗普或拜登贏，股市都未必再有力上升，我們需要找新的板塊去炒上，這點需要些時間去找尋。

尚風

** 博客文章文責自負,不代表本公司立場 **

最近一個月，同中環朋友們食早餐，好多時都見到佢哋有黑眼圈，除咗早前掛住睇歐聯歐霸賽事之外，另一個原因，就係在晚上，好多人都開始炒美股，覺得港股真係炒到冇嘢好炒。

原因係乜？其實好簡單，你睇吓恒生指數幅日線圖，唔好計三月大跌後小V反彈，如果你由4月開始睇到8月尾，指數過去五個月低位係22700左右，高位係26700，中間位大概係24700，其實4月尾嘅時候已經彈到呢個水平，而今早恒生指數低位係24931，換句話說，如果你在四月尾不幸高追隻盈富基金（2800），四個月過去了，你都賺唔到錢！呢個情況都幾恐怖，睇啱個市，以為穩穩陣陣跟股神畢菲特講，買指數ETF，點知指數就係唔升，知道係炒股唔炒市，當今實在重要得好緊要。主因係舊經濟股唔掂，新經濟股升勢如火箭，但係恒生指數成份股換馬嘅速度，未能及時追得上。

恆指四月高位同今日低位，都係24700至24900附近，幾個月來冇點升，QQ圖片。

好彩係三月大跌市嘅時候，尚風係呢度講，你可以等恒生指數在25000、23000及21000嘅時候，分三注錢去買三隻ATM股，即係阿里巴巴（9988）、騰訊（0700）同埋美團點評（3690），如果有跟足，又咁叻仔可以揸到今時今日，三隻股大概分別升咗45%、45%及200%，希望讀者都有做到，而又可以持有到現在。

香港新經濟股在恒生指數佔比唔多，而舊經濟股中，內銀、內險、內房、收租、本地銀行、本地地產、公用及石油股全部不濟，近月表現比較好啲，其實就只有港交所（0388）、騰訊（0700）、收入大跌未復甦的濠賭股、國內內需股蒙牛（2319），以及業績好的恆安（1044）及創科（0669），咁你話恒生指數點樣起？

於是乎，港股投資者近月唯有集中買ATMXJD6股，但你總不能把全部錢放晒落這6隻大型中概股上。事實上，你買完呢6隻股，基本上都應該暫時放埋一邊，不用沽出，繼續讓利潤滾存，無需炒上炒落，直至你覺得納指將見頂回落為止。

另外，近數月港股投資者又會炒下其他細隻科技股，包括晶片、雲端、軟件、SaaS(software as a service) 股。而醫藥、醫療、物管、內地消費股亦有一定炒風。不過，不少升幅已巨，而且相對來說，香港這個市場能容納的炒股資金始終不夠多，你總不能無止境地將30、40隻當炒股不斷炒上，所以當這些股份都炒到一個高位之後，資金不但會獲利回吐，而且好有機會係轉去炒、選擇更多、更多元化的美股。況且，現在開免佣金的美股戶口，網上買賣實在太方便了，還有一個好處，好多美股最少可以買一股，例如蘋果分拆後，一股美金130元左右，亦即1000港元左右就可以有交易，難怪散戶趨之若鶩。

買了Zoom一星期賺六成，股友話，多謝個仔俾佢靈感！，QQ圖片。

有中環股友見阿仔中學復課，但係只能用Zoom及Google meet上堂，靈機一觸下，上星期以285美元買入Zoom，誰知週一晚公布季績極好，全年每股盈利預測由1.29美元向上修訂至2.47美元，勁升九成， Zoom股價周二上升40%至457美元，買股票一星期賺六成，真係好耐都未試過！