今天想講一個笑話和一個騙局。
個個股民都想找必贏的投資。每次朋友問起有沒有必贏股票可以推介,我都費盡唇舌去講沒有這回事,但他們的神色告訴我:「你屎啫,你唔知咋啩!」
去年底和一班美女師奶在太古城香港東隅酒店Feast餐廳吃飯,她們又問我有乜必贏股推介,我開了一個玩笑,我話「你買得少我有辦法令你必贏,買得多就無辦法啦。」那班美女即時起哄,急問冧把,仲話要攞紙筆。我話我的建議大路到唔大路,你買隻恒生H股基金(2828),唔好買得多,最多買1萬蚊,同經紀講好買入後10%止蝕,若果唔死就升15%食糊。我一人俾1000元蚊你打底,你10%止蝕最多輸1000元,我俾咗你先,你唔使輸至還番俾我。佢地聽完「唓」一聲,覺得我玩佢地。
我笑笑口話,我呢個笑話有來頭,係來自一個騙局。話說有一個股壇莊家,有一日同三個富貴師奶打麻雀。富貴師奶問佢有乜推介,佢話有隻必贏股,至少升一倍,但隻股貨好疏,唔好買得多,一人唔好買多過一百萬蚊,莊家仲好豪咁話,「輸咗入我數」。
富貴師奶們聞言,大喜過望,第二日馬上落盤,當然唔止買100萬咁少,個個買1000萬、2000萬,等住升一倍發達。隻股開始時真係愈買愈升(佢地幾個爭住買都掃高十格八格啦),但買到後來多多貨都有,買完隻股已經軟晒。仲唔止,過得一個月,隻股跌咗兩三成。佢地又同莊家開枱,個個哭喪著臉,問「你又話嗰隻股得,我買咗都唔得?」莊家好豪咁攞本支票簿出來話:「我話咗輸咗入我數,嗱當你地買咗100萬啦,我一人賠番30萬俾你。」
三個師奶聽完欲哭無淚,人地又的確話咗叫佢地唔好買多過100萬,買咁多又點怪得人? 誰不知這只是莊家佈的一個局,大力吹那隻股得,騙得師奶們貪念發作,大買特買,等佢地接貨,自己就把手上的貨大手沽給她們,高價出貨。
呢個故仔教訓我地,騙人必須先跌錢,所以散戶見到愈似必贏的投資,愈易中招呀。
陸羽仁已開設Facebook專頁,快啲去Like:
https://www.facebook.com/pages/%E9%99%B8%E7%BE%BD%E4%BB%81/204865603047048?hc_location=timeline
陸羽仁
** 博客文章文責自負,不代表本公司立場 **
中國駐日本使館回應有日本傳媒指中國去年外商直接投資下跌八成,創30年來新低的報道,發言人說,部分日媒選擇性引用有關統計數據,並歪曲解讀外商在華投資情況,炒作所謂「外資出逃」敘事,相關報道與事實嚴重不符。
資料圖片
發言人表示,2023年中國新設立外商投資企業53766家,同比增長39.7%。實際使用外資1萬1千億元人民幣,儘管同比下降8%,但規模僅次於2021年和2022年,處於歷史第三高,穩居全球前列。中國引資結構持續優化,高技術產業引資佔比達到37.4%。
網上截圖
發言人指出,總的來看,大部分跨國公司看好中國市場長期發展前景,對投資中國依然充滿信心。