作者：半澤
近排最熱門嘅話題之一，一定有《天能》份，個個睇完都話好衝擊，想劇透都唔知點講起，係大導演最燒腦既大作，我當然第一時間睇左先，成套戲既科學理論其實好簡單，所以唔打算係度分析，今次想講既係戲中成日講既「宿命」同「自由意志」。
宿命同自由意志睇落互相矛盾，到底每個人既一生係早有定案定係隨住每個決定而影響未來。
從命理角度去睇其實兩者都存在，命理師從玄學術數中窺探未來既原理就好似打桌球一樣，知道白波打出去既角度，就可以推斷紅波被撞後既行走路線，知道紅波大約會去咗咩位置，當然人生路上比桌球複雜得多，但既然路線已經大定，咪即係完全係宿命，無改變既可能？
未來始終未發生，點都有改變既機會，試想像你係一位生意人，知道一年後必定行好運發大達，你會點做？
坐喺屋企乜都唔做等發達；定係明知行好運，做乜都賺錢，一日48個鐘咁博老命做呢？大家應該想像到雖然都係發達，但一個可能係香港首富，另一個係世界首富。調轉講，明知出年生意淡薄，唔會真係專心賭博啩⋯⋯
玄學就好似戲入面果部逆轉機，我總係覺得係未來科技，能知過去未來，好難想像係人類發明。但千萬要記住，知道未來唔係俾你有袖手旁觀既籍口，反而更應該利用佢催吉避兇，真實時間無法逆轉，積極樂觀既人生先會精彩。
套用戲中一句我覺得非常有道理既對白
「無知是我們的優勢」
加油！
香港兔蘆術數學會
** 博客文章文責自負,不代表本公司立場 **
作者：蕭生
無論係八字，面相，掌相，這一類包含大量統計學的術數，定還是文王卦，塔羅牌，易經，這一類以窺探未來為主的占卜，除了一系列學理之外，亦包含大量觸機在內。 觸機，簡以言之就是一種聯想，同一件事，不同人有不同睇法，而這個睇法又會影響未來的某些決定。
六合彩-在香港相信無人不知，相信大家都有參與過，而你會如何選擇那6個可以改變未來的號碼呢？電腦飛？親友生日日期？各大必勝法？大家又有無試過隨便望向四周，以最先在眼前出現的6個號碼來填寫六合彩？而為什麼你會選擇用這個方法來選號碼呢？可能連你自已都唔知點解，但選擇用這種方法也是一種觸機。
作為馬迷，除了用大量數據去分析每一場每一隻馬的能力去選擇馬匹之外，有時亦都會用一些數據以外的方法，例如占卦，甚至放空腦袋，純純粹粹只從馬名去選擇一匹自已喜歡的名字。而今次想介紹一個頗為有趣的選馬方法，扶乩文。這個扶乩文從何以來，我都唔清楚，只係有一次從一份馬報中發現，每場馬都會有四句乩文，當然這些乩文同該場出的馬完全無關係，一丁點連結也沒有，但就是這種沒關係，就更顯得觸機/靈感的重要。這次找來9月23日，快活谷夜馬作例子：
第五場
月上柳梢頭，人約黃昏後。
紅娘作引荐，張生享溫柔。
三十功名塵與土，八千里路雲如月。
若策奇驥可殺敵，國恨家仇化煙雲。
1 紅麗舍 2 芙蓉莊 3 牛精輝煌 4 御風超影
5 醉醒神 6 美麗天使 7 靚紫荊 8 金如意
9 歡喜心 10 睡眠攻略 11 活力寶駒 12 總統之星
大家有否從這幾句扶乩文中找到端倪？我選擇了以下三匹。
1) 紅麗舍 (紅娘作引荐)
4) 御風超影 (若策奇驥可殺敵)
8) 金如意 (八千里路雲如月)
最後賽果為6,1,8,10. 未知各位又有否猜中？
博彩只可當遊戲， 切勿沉迷賭博。
