政事
立法會財委會下周二將連開5日會，研究成立創新及科技局的撥款開路，泛民開飯盒會後， 泛民多個主要政黨及資訊科技界議員莫乃光話明不會拉布，但社民連梁國雄、人民力量陳偉業和陳志全等堅持拉阻撥款通過，撥款能否通過仍有變數。
泛民昨召開飯盒會，莫乃光支持成立創科局，反對拉布，大力游說泛民政黨不要拉布，最後大部份泛民議員都表示不會拉布。
民主黨劉慧卿表明撥款表決會投棄權票。民主黨不會拉布，但也不會參與撥款審議工作並離場， 以表示反對特首強行增加財委會的會議。工黨主席李卓人話，他們正常審議創科局，不會拉布，因為「唔想同梁振英玩泥沙」。
但堅持拉布的長毛話，如泛民反對成立創科局就應拉布，力批泛民「 單靠口水改變唔到世界」。
政界中人話，否決政改之後，政府打出經濟民生牌，泛民政黨都不想太大力拉布，怕激起民怨，因為今年11月又有區議會議選，怕玩得太盡，得罪中間選民。
Ariel
** 博客文章文責自負,不代表本公司立場 **
特首CY今早出席立法會答問大會， 民建聯立法會議員李慧琼問咗條「交波問題」， 話後政改政府要關注街道清潔問題。她指出，民建聯在過去一星期， 發現本港有70個衞生黑點，佢關注當局會否展開全港清潔行動。
叫得做「交波問題」，應該係事先同政府夾好，CY回應話， 政務司司長林鄭月娥將牽頭相關部門，在下月推出「全城清潔2015@家是香港」行動，鼓勵全民參與，合力清理，關顧衞生問題。( 政府而家改啲名愈來愈長，好似「降低食物中的鹽和糖委員會」， 呢啲真係神名)
CY話，本港部分的公共地方及設施等存在衞生問題，大小馬路、 行人路後巷「故態復萌」，公廁環境不能令人滿意， 這些都是非常重要的民生問題，當局非常關心。
林鄭做清潔大隊長，咁鬼似當年沙士後政務司司長煲呔曾做嗰份工？當年2003年沙士之後，搞咗高官問責制，政務司司長被架空， 特首董伯伯信財政司司長阿松多過信煲呔，咁煲呔就比較得閒，就叫佢做清潔大隊長。哈，點知煲呔本著「我要做好呢份工」 的精神，清潔大隊長都唔抗拒，照殺，做得好好睇睇， 後來仲撈埋個特首做。
今次林鄭做完年幾政改，只有一場辛苦，如今接番個清潔大隊長做吓，都真係幾有話題架。
