社會事
不少人避免感染而減少接觸公眾地方的物品及位置。
第四波新冠肺炎疫情爆發，不少人避免感染而減少接觸公眾地方的物品及位置，但有人卻選擇「乾淨自己，污糟別人」。有荃灣街坊就見到大廈的升降機按掣位置，出現一個大大的鞋印，懷疑有人「以腳代手」，狠批播毒。
真.荃灣友FB
有街坊在「真．荃灣友」Facebook群組上載兩張福來邨的升降機掣相片，只見「𨋢掣」位置有多個大大的鞋印，疑似用腳按掣不只一次，「邊度有啲人咁x衰㗎，上星期見到，今晚又見到！」
真.荃灣友FB
有網民留言狠批缺德，「幾年前開始已經成日見到咁」、「不如直接啲同層大廈反映好過啦」、「呢個時候，最好保護自己唔想好似呢條XX咁，就用神器啦......起碼害唔到人先啦......」、「好奇一問，真是㩒到掣？」
荃灣有街坊見到「𨋢掣」出現大大個鞋印。
疫情下人人自危，東區環翠區議員吳卓燁早前亦在Facebook專頁上載相片，大廈「𨋢掣」位置同樣驚現鞋印，吳卓燁批評此舉與播毒無異，鞋底才是最多細菌，「用鎖匙用遮撳都冇咁嬲」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
