港大副校之爭大變質

港大副校長任命，在學生衝入校委會會場後，變得極度政治化。 最新一爆當然係沙士英雄袁國勇宣布辭去校務委員的聯務。 他解釋自己沒有能力處理政治問題及帶領港大化解矛盾找新出路， 因此辭職讓有能力的人士擔任，自己「搞毛黴菌好過」。 他又強調辭任與其他人無關，亦並非心灰意冷。

袁教授係絕頂聰明的人，出來見記者解釋理由， 都俾番個金句大家做標題：「無力處理政治，搞毛黴菌好過」， 不同意見的人可以各自演譯袁教授辭職的原因。 旁觀的政壇高人就覺得，袁教授係一位好純正的學者， 基本上唔參與任何政治性活動同組織，相信佢真係對政治無興趣， 亦都唔想捲入政治爭議，所以乾脆辭職。 高人又覺得依家成件事咁政治化， 袁教授無論在哪一方都唔係打仗式的人物，讓佢做番學術， 再搵人入校委都未必係壞事。

在記者會上袁教授有段話，Ariel覺得幾值得一提， 佢講到在學生衝入校委會場後，盧寵茂倒下， 佢有份送盧教授上救護車，佢話在會場內出到電梯的過程中， 逼人的情況同阻力不太大，但當到樓下準備上救護車的時候， 就真係好困難，如果無警察開路，就上唔到十字車。

呢個講法亦都引證咗另一位校委麥嘉軒離開會場時遇到的難題， 她去到停車場時被示威者圍住，罵了近半小時。 麥嘉軒事後對私下對朋友表示，曾嘗試與示威者對話， 但對方根本不容她發言，只是不斷辱罵她，有人甚至表示「 如果你想走，你就要跪低道歉！」示威者又罵她「可恥！」因此她選擇保持沉默。 由於現場非常悶熱，她向校方保安表示不適， 對方才決定電召救護車及警方到場。 她炮轟校方為何不及早報警求助，甚至反而對警方到場表示遺憾。

要求「跪低」的情況，真係相當恐怖。 即使是無人可以話他是建制派的袁教授， 亦證明咗示威者唔俾校委會委員上十字車的問題。 成件事變晒質，好人好姐都唔敢去做港大校委啦。

Ariel

** 博客文章文責自負,不代表本公司立場 **

大埔宏福苑業主立案法團的委任管理人合安管理有限公司，將於本月19日召開特別業主大會，並計劃在4個場地同步進行。會議議程包括匯報啟動退回大維修餘款予全體業主，以及交代屋苑及大維修的財務狀況等。

宏福苑

工聯會立法會議員鄧家彪表示，合安已盡力回應法庭和業主的要求。他認為召開業主大會必須確保所有業主都知悉會議安排，但宏福苑的業主分散在不同地方，合安早前曾指有300多戶難以接觸或未能聯絡。其後合安作出首輪退款，成功聯繫到這些業主，讓合安有信心可以順利舉行業主大會。

鄧家彪。資料圖片

由於場地所限，每個單位只可由業主本人或其授權代表出席。若要委任代表出席，必須填妥授權書。鄧家彪認為，屆時需要核實所有出席人士的身份，同時亦應邀請民政事務處人員參與，以確保大會能夠順利進行。